உணவுத்துறையில் ரூ.1,000 கோடி மதிப்புள்ள நிறுவனத்தை நடத்தும் நபர்; யார் தெரியுமா…?

வீபா ஃபுட்ஸ் (Veeba Foods) நிறுவனர் விராஜ் பாஹ்ல், தனக்கு வந்த துன்பங்களை வாய்ப்பாக மாற்றியவர். இவரது உணவகத் தொழில் தோல்வியடைந்ததால் வீட்டை இழந்தாலும், விடாமுயற்சியுடன் தொழிலில் ஈடுபட்டார். இன்று, அவரது நிறுவனம் ரூ.1,000 கோடி மதிப்புடையதாக வளர்ந்துள்ளது.

விராஜ் பாஹ்லின் வெற்றிக் கதை மாற்றத்துக்கான ஒரு கதை. அதில் அவர் சவால்களை படிக்கட்டுகளாக மாற்றினார். அவரது பயணத்தில் பல தோல்விகள் இருந்தாலும், இறுதியில் இந்திய உணவுப் பொருட்களில் நிரந்தரமான இடத்தை உருவாக்க வழிவகுத்தது. இந்தியாவின் முன்னணி சாஸ் உற்பத்தியாளரான வீபா ஃபுட்ஸின் நிறுவனரான விராஜ் பாஹ்ல், ஒரு முக்கிய தொழில்முனைவோராக தன்னை நிலைநிறுத்திக் கொண்டுள்ளார். 2013-ல் தொடங்கப்பட்டதிலிருந்து, உணவுத் துறையில் ஒரு குறிப்பிடத்தக்க பெயராக வீபா உருவெடுத்துள்ளது. வீபா ஃபுட்ஸ் நிறுவனத்தின் தயாரிப்புகளான மயோனைஸ் மற்றும் சாஸ்கள் பல இந்திய வீடுகளில் பிரதானமாக உள்ளன.

விராஜ் பாஹ்லின் கல்வி

விராஜ் பாஹ்ல் புது தில்லியின் ஆர்.கே.புரத்தில் உள்ள டெல்லி பப்ளிக் பள்ளியில் தனது ஆரம்பக் கல்வியைத் முடித்தார். பின்னர் சிங்கப்பூர் பாலிடெக்னிக்கில் தொழில்துறை பொறியியல் படிக்க சிங்கப்பூர் சென்றார். விராஜ் பாஹ்ல் ஆரம்பத்தில் கடல்சார் பொறியியலைப் படித்தாலும், அவரது ஆர்வம் முழுவதும் தொழில் தொடங்குவதில் இருந்தது.

விராஜ் பாஹ்லின் பயணம்

உணவுத் துறையின் மீதான விராஜ் பாஹ்லின் கற்றல் இளம் வயதிலேயே தொடங்கியது. அவரது தந்தை ராஜீவ் பால் சொந்தமாக ஃபன் ஃபுட்ஸ் வைத்திருந்தார். ஒரு குழந்தையாக, விராஜ் அடிக்கடி தனது தந்தையின் தொழிற்சாலைக்குச் செல்வார். இது தொழில்துறையில் அவருக்கு ஆர்வத்தைத் தூண்டியது. வணிகத்தில் அவர் முதன்முதலில் நுழைந்தது டெல்லி வர்த்தக கண்காட்சியில் உள்ள ஃபன் ஃபுட்ஸ் ஸ்டாலில் பணிபுரிந்ததுதான்.

தொழில்முனைவோர் பயணத்தைத் தொடர்வதற்கு முன்பு நிதி ஸ்திரத்தன்மையைப் பெறுமாறு ராஜீவ் பால் விராஜுக்கு அறிவுறுத்தினார். மயோனைஸ் மற்றும் சாஸ் தயாரிப்புகளுக்குப் பெயர் பெற்ற ஃபன் ஃபுட்ஸ் நிறுவனத்தில் விராஜ் 2002-ல் சேர்ந்தார். இது நிறுவனத்தைக் குறிப்பிடத்தக்க வெற்றிக்கு இட்டுச் சென்றது. இருப்பினும், 2008-ம் ஆண்டில் தொழிலில் ஏற்பட்ட நஷ்டம் காரணமாக, ராஜீவ் ஃபன் ஃபுட்ஸை ரூ.110 கோடிக்கு விற்றார். இதில் விராஜ் ஏமாற்றமடைந்தாலும், தனது குடும்பத்தின் நல்வாழ்வுக்கு முன்னுரிமை அளித்தார். நாமும் சொந்தமாக தொழில் தொடங்க வேண்டும் என்ற உறுதியை இதுதான் விராஜிடம் தூண்டியது.

இதையும் படிக்க: Pension Scheme | ஏப்ரல் 1ஆம் தேதி முதல் அமலுக்கு வரும் ஒருங்கிணைந்த ஓய்வூதியத் திட்டம்… ஓய்வூதியத் தொகையை கணக்கிடுவது எப்படி…?

ஃபன் ஃபுட்ஸில் இருந்து விலகியதைத் தொடர்ந்து, விராஜ் பாஹ்ல் 2009-ம் ஆண்டு “பாக்கெட் ஃபுல்” (Pocket Full) என்ற அடையாளத்துடன் துரித உணவுத் துறையில் இறங்கினார். ஆறு விற்பனை நிலையங்களாக ஆரம்பத்தில் விரிவாக்கம் செய்யப்பட்ட போதிலும், இந்த வணிகம் இறுதியில் தோல்வியடைந்தது. இதனால் 2013-ம் ஆண்டுக்குள் அனைத்து உணவகங்களையும் மூட வேண்டிய கட்டாயம் ஏற்பட்டது. கடுமையான நிதி நெருக்கடியில் இருந்தாலும், சோர்வடையாமல், விராஜ் விடாமுயற்சியுடன் தனது அடுத்தகட்ட முயற்சியைத் தொடர உறுதியாக இருந்தார்.

2013ம் ஆண்டில், விராஜ் பாஹ்ல் மற்றும் அவரது மனைவியும் இணைந்து வீபா ஃபுட்ஸ் நிறுவனத்தை நிறுவினர். இது அவரது தாயார் வீபா பாஹ்ல் நினைவாகப் பெயரிடப்பட்டது. இந்த முயற்சிக்கு நிதியளிக்க, விராஜ் தனது வீட்டை விற்று ராஜஸ்தானின் நீம்ரானாவில் முதல் தொழிற்சாலையை நிறுவினார்.

இதையும் படிக்க: மார்ச் மாதத்தில் உங்கள் நிதி நிலையை பாதிக்கும் 5 மாற்றங்கள்… என்னென்ன தெரியுமா…?

தனது தொழில் நிபுணத்துவத்தைப் பயன்படுத்தி, பிரீமியம் சாஸ்கள் தயாரிப்பதில் கவனம் செலுத்தினார். அதன் பின்னர் வீபா ஃபுட்ஸ் இந்தியாவின் முன்னணி உணவு பதப்படுத்தும் நிறுவனங்களில் ஒன்றாக வளர்ந்து, 2023-24-ம் ஆண்டில் ரூ.1,000 கோடி வருவாயை எட்டியுள்ளது.