உக்ரைன் ஆயுத ஆலைகள் மீது ரஷ்யா தாக்குதல்.. –  அதிபர் ஜெலென்ஸ்கி | உலகம்

ரஷ்யா – உக்ரைன் இடையே சுமார் நான்கு ஆண்டுகளாக போர் நீடித்து வருகிறது. இந்த நிலையில், உக்ரைனின் ராணுவ கட்டமைப்புகள், எரிசக்தி நிறுவனங்கள், ராணுவத்தால் பயன்படுத்தப்படும் துறைமுகங்களை குறிவைத்து ராக்கெட்களைக் கொண்டு ரஷ்யா தாக்குதல் நடத்தியது.

தங்கள் நாட்டு பொதுமக்கள் மீது உக்ரைன் அண்மையில் நடத்திய தாக்குதலுக்கு பதிலளிக்கும் வகையில் இந்த தாக்குதல் நடத்தப்பட்டதாக ரஷ்யா தரப்பில் தெரிவிக்கப்பட்டுள்ளது.

ரஷ்ய படைகள் முதன்மையாக தங்கள் நாட்டின் எரிசக்தி உள்கட்டமைப்பை குறிவைத்ததாகவும் இதில் டினிப்ரோபெட்ரோவ்ஸ்க், செர்னிஹிவ் உள்ளிட்ட பகுதிகள் பாதிப்புக்கு உள்ளானதாகவும் உக்ரைன் அதிபர் வோலோடிமிர் ஜெலென்ஸ்கி தெரிவித்துள்ளார். இதில், பொதுமக்கள் பலர் காயமடைந்ததாகவும் குறிப்பிட்டுள்ளார்.