உக்ரைனுக்கு உதவுவதால் ஸ்டார்லிங்க் செயற்கைக் கோள்களை தாக்க ரஷ்யா புதிய ஆயுதங்களை தயாரித்து வருவதாக சர்வதேச ஊடகங்கள் செய்தி வெளியிட்டுள்ளன.
ரஷ்யாவின் தாக்குதலில் உக்ரைனின் தகவல் தொடர்பு கட்டமைப்புகள் சேதம் அடைந்து விட்டன.
இதனால் போர்க்கள தகவல் தொடர்புகளுக்கு தொழிலதிபர் எலான் மஸ்கின் ஸ்டா்ர்லிங்க் அதிவேக இணைய சேவையை உக்ரைன் இராணுவம் பயன்படுத்துகின்றது.
செயற்கைகோள்
இவ்வாறு உக்ரைன் இராணுவத்துக்கு வர்த்தக ரீதியில் தகவல் தொடர்பு சேவைகள் வழங்கும் செயற்கைகோள்களை தாக்குவோம் என ரஷ்ய அதிகாரிகள் தொடர்ந்து எச்சரிக்கை விடுத்து வந்தனர்.
இதனடிப்படையில், கீழடுக்கு சுற்று வட்டப் பாதையில் உள்ள செயற்கைக்கோள்கள் மீது தாக்குல் நடத்த எஸ்-500 ஏவுகணைகள் தயார் நிலையில் உள்ளதாக ரஷ்யா சமீபத்தில் தெரிவித்திருந்தது.
விண்ணில் செயல் இழந்த செயற்கைக்கோள் மீது ஏவுகணையை வீசி தகர்க்கும் சோதனையை கடந்த 2021 ஆம் ஆண்டு ரஷ்யா செய்தது.
இந்தநிலையில் தற்போது ஸ்டார் லிங்க் செயற்கைக் கோள்கள் மீது தாக்குதல் நடத்த வெடிகுண்டு தயாரிப்பில் பயன்படுத்தப்படும் கூரான இரும்பு துண்டுகளை ஆயுதமாக பயன்படுத்த ரஷ்யா திட்டமிட்டுள்ளதாக நேட்டோ உளவுப் பிரிவினர் சந்தேகித்துள்ளனர்.
சுற்றுவட்டப்பாதை
இந்த இரும்பு துண்டுகளை சிறிய செயற்கைக் கோளில் எடுத்துச் சென்று பூமியிலிருந்து 550 கிலோ மீற்றர் தொலைவில் உள்ள சுற்றுவட்டப்பாதையில் ஆங்காங்கே தூவப்படும்.
இந்த கூர்மையான இரும்புத் துண்டுகள் விண்ணில் சுற்றிக் கொண்டிருக்கு் ஸ்டார்லிங்க் செயற்கைக் கோள்கள் மீது மோதி அவற்றை சேதப்படுத்தும்.
இந்த தாக்குதலில் செயற்கைக்கோளின் சோலார் பேனல்கள் எளிதில் சேதம் அடைந்து விடும்.
இந்த ஆயுதம் அனைத்து நாடுகளின் செயற்கைக்கோள்களுக்கும் பாதிப்பை ஏற்படுத்தும் என்ற அடிப்படையில் கீழடுக்கு சுற்றுவட்டப்பாதையில் சுற்றிக் கொண்டிருக்கும் சர்வதேச விண்வெளி மையம் மற்றும் சீனாவின் டியாங்காங் விண்வெளி மையம் ஆகியவையும் சேதம் அடையும் அபாயம் உள்ளதாக தெரிவிக்கப்படுகின்றமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்…! |
