ரூ.200,000 இலஞ்சம் கேட்டு பெற்றதற்காக ஓய்வுபெற்ற கடற்படை மருத்துவ உதவியாளர் கைது செய்யப்பட்டுள்ளார்.
வெள்ளவத்தை பகுதியைச் சேர்ந்த ஒருவர் அளித்த முறைப்பாட்டின்படி, புகார்தாரரின் மூத்த மகளை 2026 ஆம் ஆண்டு கொழும்பில் உள்ள ஒரு பிரபல பெண்கள் பாடசாலையில் முதலாம் வகுப்புக்கு சேர்க்க ஏற்பாடு செய்ய சந்தேக நபர் ரூ.300,000 கோரியிருந்தார்.
மூன்று தவணைகளாக பெறப்பட்ட பணம்
இதில், அவர் ஏற்கனவே மூன்று தவணைகளாக ரூ.100,000 பெற்று, பின்னர் ரூ.200,000 கேட்டு பெற்றுள்ளதாக இலஞ்ச ஒழிப்பு ஆணையம் தெரிவித்தள்ளது.
இந்தப் முறைப்பாட்டின் அடிப்படையில், இலஞ்சம் அல்லது ஊழல் குற்றச்சாட்டுகளை விசாரிக்கும் ஆணைய அதிகாரிகள் நேற்று (ஜனவரி 13) மாலை 7.45 மணியளவில் கொழும்பில் உள்ள திம்பிரிகஸ்யாயவில் ஓய்வுபெற்ற கடற்படை மருத்துவ உதவியாளரைக் கைது செய்தனர்.
கைது செய்யப்பட்ட சந்தேக நபர் கொழும்பு பிரதான நீதவான் நீதிமன்றத்தில் முற்படுத்தப்பட உள்ளார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்…! |
