இலங்கை மற்றும் பிலிப்பைன்ஸுக்கு பயணித்த விமானங்கள் மாயம்: மர்மத்தின் பின்னணியில் ஈரான்

இந்த ஆண்டின் தொடக்கத்தில் லிதுவேனியாவில் உள்ள விமான நிலையத்திலிருந்து இரண்டு விமானங்கள் புறப்பட்டன, அவை ஒவ்வொன்றும் இலங்கை மற்றும் பிலிப்பைன்ஸுக்கு செல்லவிருந்தன.

ஆனால் அந்த இரு விமானங்களும், மர்மமான முறையில் திசைதிருப்பப்பட்டு, விமானப் போக்குவரத்துக் கட்டுப்பாட்டால் கண்டறியப்படுவதற்கான அனைத்து வழிகளையும் துண்டித்துவிட்டு ஈரானில் தரையிறங்கின.

அதாவது இருப்பினும் ஒன்று தெஹ்ரானில் உள்ள மெஹ்ராபாத் சர்வதேச விமான நிலையத்திலும் மற்றொன்று சபஹர் கொனாரக் விமான நிலையத்திலும் நின்றது.

மர்மம்

இந்த விமானங்கள் காம்பியன் குத்தகை நிறுவனமான மக்கா இன்வெஸ்ட் நிறுவனத்திற்கு சொந்தமானது – அதே நிறுவனத்திற்கு சொந்தமான மூன்றாவது விமானமும் புறப்பட இருந்தது, ஆனால் புறப்படுவதிலிருந்து தடுக்கப்பட்டது.

இது நடந்ததற்குக் காரணம், ஈரானுக்கு எதிராக அமெரிக்கா விதித்துள்ள தற்போதைய பொருளாதாரத் தடைகள், அதன் அணுசக்தித் திட்டம் தொடர்பாக அந்நாடு புதிய விமானங்களை வாங்குவதைத் தடுக்கிறது.

இந்த சம்பவம் லிதுவேனியா அதிகாரிகளிடையே பெரும் கவலையை ஏற்படுத்தியுள்ளதாக கூறப்படுகிறது.

ஈரானின் அணுசக்தித் திட்டம் காரணமாக அந்நாட்டின் மீது பொருளாதாரத் தடைகள் விதிக்கப்பட்டதால் ஈரானால் புதிய விமானங்களை வாங்க முடியவில்லை.

 ஈரானில் விமானங்கள் மர்மமான முறையில் வந்து சேருவது இது முதல் முறை அல்ல.

டிசம்பர் 2022 இல், தென்னாப்பிரிக்காவின் ஜோகன்னஸ்பர்க்கில் இருந்து புறப்பட்டு உஸ்பெகிஸ்தானுக்குச் சென்ற நான்கு வர்த்தக ஏர்பஸ் A340 விமானங்கள் பாதையை மாற்றி ஈரானில் தரையிறங்கியமையும் குறிப்பிடத்தக்கது.