இலங்கையில் நான்கு இலட்சத்தை நெருங்கும் தங்க விலை

உலக சந்தையில் தங்கத்தின் விலை வரலாற்றில் முதல் முறையாக 5,000 அமெரிக்க டொலர் எல்லையை கடந்துள்ளதாக வெளிநாட்டு ஊடகங்கள் செய்தி வெளியிட்டுள்ளன.

இந்த நிலையில் இலங்கையிலும் இன்றைய தினம் (26.01.2026) தங்கத்தின் விலை அதிகரித்துள்ளதாக தெரிவிக்கப்படுகின்றது.

இதற்கமைய நாட்டில் இன்றைய தினம் தங்கத்தின் விலை 12000 ரூபாயால் அதிகரித்துள்ளதாக குறிப்பிடப்படுகின்றது.

இன்றைய விலை நிலவரம் 

செட்டியார் தெரு தங்க சந்தையின் தகவல்களுக்கு அமைய கடந்த வௌ்ளிக்கிழமை (23) 24 கரட் ஒரு பவுண் தங்கம் 385,000 ரூபாயாக காணப்பட்டது.

அதன்படி, 24 கரட் ஒரு பவுண் தங்கத்தின் விலை இன்றைய தினம் 397,000 ரூபாயாக அதிகரித்துள்ளது.

அதேநேரம் கடந்த வாரம் 356,000 ரூபாயாக நிலவிய 22 கரட் ஒரு பவுண் தங்கத்தின் விலை இன்றைய தினம் 362,200 ரூபாயாக அதிகரித்துள்ளது.

அந்த வகையில் 24 கரட் தங்கத்தின் ஒரு கிராமின் விலை 49,625 ரூபாயாகவும் 22 கரட் தங்கத்தின் ஒரு கிராமின் விலை 45,275 ரூபாயாகவும் பதிவாகியுள்ளமை குறிப்பிடத்தக்கது.