இந்து தெய்வங்களை அவமதிக்கும் வகையில் இன்ஸ்டாகிராம் ரீல் பதிவிட்ட சிறுமி…! பெற்றோர் கைது… | இந்தியா

சமூக ஊடகங்களில் எட்டாவா காவல்துறை மற்றும் உத்தரப்பிரதேச காவல்துறையினரை டேக் செய்து புகார் அளிக்கப்பட்டது. மேலும், அந்த சிறுமிக்கு எதிராக உள்ளூர் காவல் நிலையத்தில் பல புகார்கள் பதிவு செய்யப்பட்டன. அதைத் தொடர்ந்து உடனடியாக நடவடிக்கை எடுத்த போலீசார், சிறுமி கைது செய்யப்பட்டு சிறுவர் காவல் மையத்திற்கு அனுப்பப்பட்டார். அதே நேரத்தில் அவரது பெற்றோர் ஷபீர் மற்றும் ஷபினா இந்தச் செயலைப் பற்றி அறிந்திருந்தும், அவர்களது பெண்ணைத் தடுக்க முயற்சிக்கவில்லை. இந்த அலட்சியம் ஒரு குற்றமாகக் கருதப்பட்டதையடுத்து அவர்களை கைது செய்து சிறையில் அடைத்தனர்.

இந்த சம்பவம் குறித்து போலீசார் கூறியதாவது, “அந்தச் சிறுமி இந்து தெய்வங்களை அவமதிக்கும் வகையில் கருத்துகளை இணையத்தில் வெளியிட்டார். சிறுமியின் பெற்றோருக்கு தங்கள் மகள் இதுபோன்ற சர்ச்சைக்குரிய வீடியோவை உருவாக்கப் போகிறாள் என்பது தெரியும். மேலும், இந்தச் செயலில் சிலர் ஈடுபட்டுள்ளனர்.

இந்த வீடியோ பரவலுக்குக் காரணமானதாகக் கூறப்படும் மற்றொரு நபர் மீதும் வழக்குப் பதிவு செய்யப்பட்டுள்ளது. ஆனால், அவர் தற்போது தலைமறைவாகிவிட்டதாகவும், அவரை தேடும் பணி நடைபெற்று வருவதாகவும் போலீசார் தெரிவித்தனர். இதனையடுத்து காவல்துறை அதிகாரிகள் முன்னிலையில் தனது செயலுக்கு பொதுமக்களிடம் மன்னிப்பு கேட்கும் ஒரு வீடியோவும் வெளியானது. இந்த வீடியோ தற்போது இணையத்தில் வைரலாகி வருகிறது.