“இந்தி, சமஸ்கிருதத்துக்கு அதிக நிதி… கன்னடத்திற்கு அநீதி” – மத்திய அரசை சாடிய கர்நாடக முதல்வர் சித்தராமையா | இந்தியா

பெங்களூருவில் நடைபெற்ற கர்நாடக ராஜ்யோட்சவா கொண்டாட்டத்தில் சித்தராமையா பங்கேற்றார். அப்போது பேசிய அவர், நாட்டில் பழமையான மொழிகளில் ஒன்றான கன்னடத்தின் வளர்ச்சிக்கு உரிய நிதி அளிக்காதது அநீதி என்றார்.

கன்னட மொழி செம்மொழியாக அங்கீகரிக்கப்பட்ட போதும் மற்ற செம்மொழிகளை வளர்க்க மத்திய அரசு கொடுக்கும் நிதியை கன்னடத்துக்கு கொடுக்கவில்லை என்று குறிப்பிட்டார்.

இந்தி, சமஸ்கிருதத்தை வளர்க்க கொடுக்கும் நிதியை மற்ற இந்திய மொழிகளுக்கு மத்திய அரசு ஒதுக்கவில்லை என்றும், இது நியாயமல்ல என்றும் கூறினார்.