“இந்திய பிரதமர் மோடி மிகவும் புத்திசாலி..” – அமெரிக்க அதிபர் டொனால்ட் ட்ரம்ப் புகழாரம்!

மோடி சிறந்த பிரதமர் என அமெரிக்க அதிபர் டொனால்ட் டிரம்ப் பாராட்டி உள்ளார். இதுகுறித்து வெள்ளை மாளிகையில் செய்தியாளர்களை சந்தித்த அமெரிக்க அதிபர் டெனால்ட் டிரம்ப், அடுத்தடுத்து வரி விதிப்புகள் தொடர்பான அறிவிப்புகளை வெளியிடுவது குறித்து பேசினார். அப்போது, இந்தியாவுடனான உறவு குறித்தும், வரி தொடர்பான பேச்சுவார்த்தை குறித்து அவரிடம் கேள்வி எழுப்பப்பட்டது.

இந்நிலையில், அதற்கு பதிலளித்து பேசிய டொனால்ட் டிரம்ப், “வரி தொடர்பாக இந்தியா மற்றும் அமெரிக்கா இடையே பேச்சுவார்த்தை நல்ல முறையில் நடந்தது. இந்தியவர்கள் மிகவும் புத்திசாலிகள். பிரதமர் மோடி மிகவும் புத்திசாலி. என்னுடைய நல்ல நண்பரும் கூட. நாங்கள் இது தொடர்பாக பேசினோம். இந்தியா மற்றும் அமெரிக்கா இடையே அனைத்தும் நல்ல முறையில் நடக்கும் என்று நினைக்கிறேன். சிறந்த பிரதமரை இந்தியா பெற்றுள்ளது.” என்று தெரிவித்தார்.

இதையும் படிங்க: ஆட்டம் காண வைத்த “சிக்னல்” குழு.. அமெரிக்காவில் மிக முக்கிய அட்டாக் திட்டம்.. முன்கூட்டியே கசிந்தது எப்படி?

இதனைத்தொடர்ந்து, இந்திய பிரதமர் நரேந்திர மோடியை தனது சிறந்த நண்பர் என தெரிவித்த டிரம்ப், உலகில் அதிக வரி விதிக்கும் நாடுகளில் இந்தியாவும் ஒன்று என்றும் தெரிவித்தார். தொடர்ந்து பேசிய டிரம்ப், கனடா பிரதமருடன் தொலைபேசியில் பேசியதாகவும் குறிப்பிட்டார். மேலும் அமெரிக்கா உடனான உறவு முடிந்துவிட்டது என கனடா பிரதமர் மார்க் கார்னே கூறியிருந்தது குறிப்பிடத்தக்கது.