சிட்னி: இந்திய அணி உடனான 5 போட்டிகள் கொண்ட டி20 தொடருக்கான ஆஸ்திரேலிய அணியை அறிவித்துள்ளது கிரிக்கெட் ஆஸ்திரேலியா நிர்வாகம். இதில் மேக்ஸ்வெல், டிம் டேவிட், டிராவிஸ் ஹெட், ஜோஷ் இங்கிலிஸ் ஆகியோர் இடம்பெற்றுள்ளனர்.
இந்திய கிரிக்கெட் அணி ஆஸ்திரேலியாவில் சுற்றுப்பயணம் மேற்கொண்டு கிரிக்கெட் விளையாடி வருகிறது. இரு அணிகளுக்கு இடையிலான 3 போட்டிகள் கொண்ட ஒருநாள் கிரிக்கெட் தொடரில் 2-0 என்ற கணக்கில் ஆஸ்திரேலியா வென்றுள்ளது. இந்த தொடர் முடிந்ததும் இரு அணிகளும் 5 போட்டிகள் கொண்ட டி20 கிரிக்கெட் தொடரில் விளையாடுகிறது.
இந்த தொடர் வரும் 29-ம் தேதி தொடங்குகிறது. இதற்கான இந்திய அணி ஏற்கெனவே அறிவிக்கப்பட்டுவிட்டது. இதில் சூர்யகுமார் யாதவ் இந்திய டி20 அணியை கேப்டனாக வழிநடத்துகிறார். இந்த சூழலில் இத்தொடருக்கான ஆஸ்திரேலிய அணியை அறிவித்துள்ளது கிரிக்கெட் ஆஸ்திரேலியா.
ஆஸ்திரேலிய அணி விவரம்: மிட்செல் மார்ஷ் (கேப்டன்), அபாட் (முதல் மூன்று ஆட்டங்கள் மட்டும்), சேவியர் பார்ட்லெட், டிம் டேவிட், பென் துவாஷ்யஸ் (4 மற்றும் 5-வது ஆட்டங்கள் மட்டும்), நாதன் எல்லிஸ், ஜோஷ் ஹேசில்வுட் (முதல் இரண்டு ஆட்டங்கள் மட்டும்), பேர்ட்மேன் (கடைசி மூன்று ஆட்டங்கள்), டிராவிஸ் ஹெட், ஜோஷ் பிலிப்(விக்கெட் கீப்பர்), ஜோஷ் இங்கிலிஸ் (விக்கெட் கீப்பர்), மேத்யூ குனமென், மிச்சேல் ஓவன், மேட் ஷார்ட், மார்கஸ் ஸ்டாய்னிஸ், ஆடம் ஸாம்பா.
இந்திய அணி: சூர்யகுமார் யாதவ் (கேப்டன்), ஷுப்மன் கில், ரிங்கு சிங், திலக் வர்மா, அபிஷேக் சர்மா, அக்சர் படேல், நிதிஷ் குமார் ரெட்டி, ஷிவம் துபே, வாஷிங்டன் சுந்தர், ஜிதேஷ் சர்மா (விக்கெட் கீப்பர்), சஞ்சு சாம்சன் (விக்கெட் கீப்பர்), அர்ஷ்தீப் சிங், ஹர்ஷித் ராணா, பும்ரா, குல்தீப் யாதவ், வருண் சக்கரவர்த்தி. இந்த தொடரின் போட்டிகள் அனைத்தும் இந்திய நேரப்படி மதியம் 1.45 மணிக்கு தொடங்கும்.
