“இந்தியாவுக்குத் திரும்பிச் செல்லுங்கள்”…! அயர்லாந்தில் இந்தியப் பெண் மீது இனவெறி தாக்குதல்…! வைரலாகும் வீடியோ… | இந்தியா

ஸ்வாதி தனது பயோவில், “நான் நடந்து செல்லும் தெருவில் என் இருப்பை மற்றொருவருக்கு விளக்க வேண்டிய நிலை ஏற்படும் என்று ஒருபோதும் நினைக்கவில்லை. ஒரு பெண் என் ஜிம்மிற்கு வெளியே என்னை நிறுத்தி, நான் ஏன் இங்கே இருக்கிறேன் என்பதைக் கேட்டு, தன்னை ‘இந்தியாவுக்குத் திரும்பிப் போ’ என்று கூறியதாகத் தெரிவித்துள்ளார். அவரது அந்தக் கேள்விகளால் சில கணங்கள், நான் உறைந்து போனேன்.

பின்னர், மௌனம் வெறுப்பை வளர்க்க மட்டுமே உதவுகிறது என்பதை உணர்ந்தேன். இனவெறி, மிரட்டல் மற்றும் வெறுப்பு இன்னும் இங்குள்ள தெருக்களில் சுதந்திரமாக நடமாடுவதால், இது யாருக்கும் நடக்கக் கூடாது என்பதற்காக நான் அதனை வீடியோவாகப் பதிவு செய்து புகார் அளித்துள்ளேன், சமூக வலைத்தளங்களிலும் அதனைப் பகிர்ந்து கொள்கிறேன்” என்றார்.

ஸ்வாதி மேலும் கூறும்போது, “நேற்று மாலை, ஜிம்மில் பயிற்சியை முடித்து வீடு திரும்பிக் கொண்டிருந்தபோது, சில படிகள் தொலைவில், ஒரு பெண் ‘என்னை மன்னியுங்கள்!” என்று கத்தினாள். அவள் நன்றாக உடையணிந்து ‘DCU’ பேட்ஜ் அணிந்திருந்தாள். ஆனால், பின்னர் அவளுடைய தொனி மாறி, “நீ ஏன் அயர்லாந்துக்கு வந்தாய்? நீ இங்கே என்ன செய்கிறாய்? நீ ஏன் இந்தியாவுக்குத் திரும்பக் கூடாது?” என்று கேட்டாள். நான் அமைதியாகப் பதிலளித்தேன், “நான் இங்கே வேலை செய்கிறேன், எனக்கு இங்கே இருக்க பிடிக்கும்” என்றேன்.

யூசர் ஒருவர், ‘மன்னிக்கவும், இதுபோன்ற ஒரு சூழ்நிலையை நீங்கள் அனுபவிக்க வேண்டியிருந்தது. உங்கள் புகாருக்கு நிச்சயம் நடவடிக்கை எடுக்கப்படும் என்று நம்புகிறேன்’ என்றார். மற்றொருவர், “இது போன்ற ஒரு சூழலை நீங்கள் எதிர்கொண்டதை நினைத்து நான் வருந்துகிறேன். உங்கள் இருப்பை யாருக்கும் விளக்க வேண்டியதில்லை. நீங்கள் நலமாக இருக்கிறீர்கள் என்று நம்புகிறேன்” என்றார்.