இந்தியாவிலிருந்து இலங்கைக்கு வந்து குவியும் சுற்றுலா பயணிகள்

கடந்த ஓகஸ்ட் மாதத்தில் இலங்கைக்கு வருகை தந்த சுற்றுலாப் பயணிகளின் எண்ணிக்கை 198,235 ஆக இருந்ததாக இலங்கை சுற்றுலா அபிவிருத்தி அதிகார சபை தெரிவித்துள்ளது.

கடந்த ஆண்டு ஓகஸ்ட் மாதத்தில் வருகை தந்த சுற்றுலாப் பயணிகளின் எண்ணிக்கையுடன் ஒப்பிடும்போது இது 20.4% அதிகமாகும்

இந்தியாவிலிருந்து சுற்றுலாப் பயணிகள் 

 இலங்கை சுற்றுலா அதிகார சபை வெளியிட்டுள்ள சமீபத்திய தரவுகளின்படி, ஓகஸ்ட் மாதத்தில் இந்தியாவிலிருந்து 46,473 சுற்றுலாப் பயணிகள் வந்துள்ளனர், இது 23.4% ஆகும்.

மேலும், ஐக்கிய இராச்சியத்திலிருந்து 19,764 பேர், ஜேர்மனியர்கள் 12,500 பேர், சீனாவிலிருந்து 12,294 பேர் மற்றும் பிரெஞ்சு நாட்டினர் 10,495 பேர் இலங்கைக்கு வந்தனர்.

எட்டு மாதங்களில் வந்த சுற்றுலா பயணிகள்

அதன்படி, ஜனவரி 1 முதல் ஓகஸ்ட் 31, 2025 வரை சுற்றுலாப் பயணிகளின் எண்ணிக்கை 1,566,523 ஆகும்.

இவர்களில், 325,595 சுற்றுலாப் பயணிகள் இந்தியாவிலிருந்தும், 118,916 பேர் ரஷ்யாவிலிருந்தும், 151,141 பேர் ஐக்கிய இராச்சியத்திலிருந்தும் வந்ததாக இலங்கை சுற்றுலா மேம்பாட்டு ஆணையம் தெரிவித்துள்ளது.