இந்தியாவின் முதல் டெஸ்லா சைபர்ட்ரக் காரை வாங்கிய சூரத் வைர வியாபாரி… யார் தெரியுமா…?

டெஸ்லா சைபர்ட்ரக்கை இந்தியாவிற்கு கொண்டுசெல்வது எளிதான காரியமல்ல. ஏனெனில், அவர் முதலில் துபாயிலிருந்து நேரடியாக மும்பைக்கும், பின்னர் சூரத்துக்கும் வரவழைத்து வாகனத்தைப் பெற்றார். டாலியாவின் மகன் பியூஷ் கூறியதாவது, “இந்த வகையான காரானது இந்தியாவில் இறக்குமதி செய்ததில் இதுவே முதல் முறையாகும். நாங்கள் ஆன்லைனில் சரிபார்த்தபோது, இந்த சைபர்ட்ரக் இந்தியாவில் மட்டுமே உள்ளது. இதுபோன்ற எந்த காரும் இந்தியாவிற்கு இறக்குமதி செய்யப்படவில்லை” என்று அவர் கூறியதாக தெரிவித்துள்ளார். இந்தியாவில் தற்போது இதுபோன்ற ஒரே வாகனம் தனது தந்தைக்குச் சொந்தமான சைபர்ட்ரக் மட்டுமே என்று அவரது மூத்த மகன் பியூஷ் டாலியா கூறியுள்ளார்.

“இந்த காரை நாங்கள் ஆறு மாதங்களுக்கு முன்பு அமெரிக்காவின் டெக்சாஸில் உள்ள டெஸ்லா ஷோரூமில் முன்பதிவு செய்தோம்” என்றும் பியூஷ் டாலியா கூறியுள்ளார். லாவ்ஜி பாட்ஷாவின் கார்கள் மீதான காதல் மிகவும் ஆழமானது என்றும், அவர் தனது புதிய சைபர் டிரக்கில் தனது வீட்டின் பெயரை ‘கோபின்’ என்று வைத்ததாகவும் அறிக்கை கூறுகிறது. அறிக்கையின்படி, சூரத்தில் இந்த டெஸ்லா சைபர்ட்ரக்கின் அடிப்படை விலை சுமார் ரூ.60 லட்சம் ஆகும்.

லோவ்ஜி பாட்ஷா யார்?

டயமண்ட் சிட்டி என்று அழைக்கப்படும் சூரத்தைச் சேர்ந்த கோடீஸ்வர தொழிலதிபர் லாவ்ஜி டாலியா, டெஸ்லா சைபர் டிரக்கின் முதல் உரிமையாளர் ஆகிவிட்டார். சூரத்தில் லாவ்ஜி பாட்ஷா என்று அழைக்கப்படும் லவ்ஜி டாலியா, ஒரு ரியல் எஸ்டேட் அதிபர். அறிக்கையின் படி, லாவ்ஜி பாட்ஷா ஒரு வைர வியாபாரி மற்றும் விசைத்தறி உரிமையாளர் ஆவார்.

இந்த தொழிலதிபரின் சமூக சேவை நடவடிக்கைகள் காரணமாக சூரத் மக்களால் ‘பாட்ஷா’ என்று செல்லப்பெயர் பெற்றார். இவர் கோபின் குழுமத்தின் தலைவர் ஆவார், லவ்ஜியின் கோபின் குழுமம் வைர வர்த்தகம், ரியல் எஸ்டேட் மற்றும் ஜவுளித் துறைகளில் பெரிதும் ஈடுபட்டுள்ளது. 2019ஆம் ஆண்டு எலான் மஸ்க் அறிமுகப்படுத்திய டெஸ்லா சைபர்ட்ரக், ஒரு புரட்சிகரமான எலக்ட்ரிக் பிக்அப் டிரக் ஆகும். இது 2.9 விநாடிகளில் 0-60 மைல் வேகத்தில் 500 கி.மீ. வரை செல்லும் திறன் கொண்டுள்ளது.