விசாகப்பட்டினம்: ஆந்திர மாநிலம், விசாகப்பட்டினத்தில் கடந்த 2 நாட்களாக இந்திய தொழில் கூட்டாண்மை மாநாடு நடைபெற்றது. இதனை குடியரசு துணைத் தலைவர் சி.பி.ராதாகிருஷ்ணன் தொடங்கி வைத்தார்.
மாநாட்டில் இந்தியா மற்றும் 72 நாடுகளின் தொழிலதிபர்கள், தலைமை நிர்வாகிகள் மற்றும் இயக்குநர்கள் கலந்துகொண்டனர்.நிறைவு நாளான நேற்று முதல்வர் சந்திரபாபு பேசியதாவது: தொழில் கூட்டாண்மை மாநாட்டில் சுமார் ரூ.13 லட்சம் கோடி வரை ஆந்திராவில் முதலீடு செய்ய தொழிலதிபர்கள் முன் வந்துள்ளனர். நாங்கள் ஆட்சிக்கு வந்த கடந்த 18 மாதங்களில் மட்டும் ரூ.22 லட்சம் கோடி முதலீடு பெற்றுள்ளது.
