Last Updated:
ஆசிய விளையாட்டில் குத்துச்சண்டை போட்டியில் இந்திய வீராங்கனை லவ்லினா போர்கோஹைன் தங்கம் வென்று சாதனை படைத்துள்ளார்.
பலத்த எதிர்பார்ப்புக்கு மத்தியில் நடைபெற்ற 75 கிலோ எடைப்பிரிவு இறுதிச்சுற்றில் சீனாவின் ஜியி பாவோ உடன் லவ்லினா மோதினார். தொடக்கம் முதலே தனது ஆக்ரோஷமான குத்துகளால் சீன வீராங்கனையை நிலைகுலைய வைத்தார். இறுதியில் 5-0 என்ற புள்ளிக்கணக்கில் வெற்றிபெற்று லவ்லினா தங்கப் பதக்கத்தை முத்தமிட்டார். தனது 29-ஆவது பிறந்த நாள் அன்று சாதனை நிகழ்த்திய லவ்லினா, ஆசிய விளையாட்டு குத்துச் சண்டையில் மேரி கோமுக்குப் பின் தங்கம் வென்ற இரண்டாவது இந்திய வீராங்கனை என்ற சாதனைக்கு சொந்தக்காரரானார்.
முன்னதாக நடைபெற்ற பெண்களுக்கான ரிகர்வ் வில்வித்தை இறுதிப் போட்டியில் இந்திய அணி, தென்கொரிய அணியுடன் மோதியது. இதில் அங்கிதா, கீர்த்தி மற்றும் கும்கும் மோஹத் ஆகியோர் அடங்கிய இந்திய அணி 5-3 என்ற புள்ளிக்கணக்கில் போராடி வெற்றிபெற்று தங்கப் பக்கம் வென்றது.
