Last Updated:
இச்சாதனை இந்திய விளையாட்டின் புதிய எழுச்சியைக் காட்டுவதாக அவர் பெருமிதத்துடன் குறிப்பிட்டார்.
ஜப்பானின் ஐச்சி-நகோயாவில் நடைபெற்ற 2026 ஆசிய விளையாட்டுப் போட்டிகளில் வரலாற்றுச் சாதனை படைத்த இந்திய வீரர், வீராங்கனைகளுடன் பிரதமர் நரேந்திர மோடி கலந்துரையாடிப் பாராட்டு தெரிவித்தார்.
இப்போட்டிகளில் 21 தங்கம், 27 வெள்ளி, 37 வெண்கலம் என மொத்தம் 85 பதக்கங்களைக் குவித்து, பதக்கப் பட்டியலில் இந்தியா நான்காவது இடத்தைப் பிடித்து அசத்தியது. குறிப்பாக, 1982-ஆம் ஆண்டு ஆசிய விளையாட்டு போட்டிக்குப் பிறகு, மாரத்தான் விளையாட்டு பிரிவில் இந்தியா மீண்டும் தங்கம் வென்றது.
தலைநகர் டெல்லியில் நடைபெற்ற பாராட்டு விழாவில் பங்கேற்ற பிரதமர், முன்னெப்போதும் இல்லாத வகையில் உலக அரங்கில் இந்தியாவிற்குப் பெருமை தேடித்தந்த விளையாட்டு வீரர்களின் அயராத உழைப்பையும் அர்ப்பணிப்பையும் வெகுவாகப் பாராட்டினார். இச்சாதனை இந்திய விளையாட்டின் புதிய எழுச்சியைக் காட்டுவதாக அவர் பெருமிதத்துடன் குறிப்பிட்டார்.
Our Asian Games champions have made the Tricolour fly high! Their achievements show what passion, perseverance and belief can achieve. https://t.co/m3gOPecQCo
— Narendra Modi (@narendramodi) October 15, 2026
முன்னதாக, பிரதமர் நரேந்திர மோடி லடாக்கில், ரூ.3,350 கோடி மதிப்பிலான ஐந்து முக்கிய வளர்ச்சித் திட்டங்களைத் காணொலிக் காட்சி வாயிலாக தொடங்கி வைத்து நாட்டிற்கு அர்ப்பணித்தார். இந்த கடினமான பணிகளைச் சிறப்பாக நிறைவு செய்த பொறியாளர்கள், தொழிலாளர்கள், உள்ளூர் பணியாளர்கள், எல்லைச் சாலைகள் அமைப்பு ஊழியர்கள் ஆகியோருக்கு நன்றி கூறினார். இத்திட்டங்களுக்காக லடாக் மக்கள் அனைவருக்கும் தமது மனமார்ந்த வாழ்த்துகளைத் தெரிவித்துக் கொள்வதாக மோடி தெரிவித்தார்.
