ஆசிய கோப்பை ஹாக்கி தொடர்.. சீனாவை வீழ்த்தி வெற்றியுடன் தொடங்கியது இந்திய அணி.. | விளையாட்டு

பிகாரின் ராஜ்கிர் நகரில் நடைபெற்று வரும் தொடரில், இந்தியா, சீனா, வங்கதேசம் உள்ளிட்ட 8 அணிகள் பங்கேற்றுள்ளன.

இதில் இந்திய அணி தனது முதல் ஆட்டத்தில் சீனாவை எதிர்கொண்டது. முதல்பாதியில் இரு கோல்களுடன் முன்னிலையில் இருந்த இந்தியா இறுதியில் 4-3 என்ற கோல் கணக்கில் வெற்றி பெற்றது. இந்திய கேப்டன் ஹர்மன்ப்ரீத் சிங் ஹாட்ரிக் கோல் அடித்து அசத்தினார்…

முன்னதாக காலையில் நடைபெற்ற முதலாவது போட்டியில், வங்கதேசத்தை 4-1 என்ற கோல் கணக்கில் மலேசியா வீழ்த்தியது.

தொடர்ந்து நடைபெற்ற போட்டியில் நடப்பு சாம்பியன் கொரியா 7-0 என்ற கோல் கணக்கில் சீன தைபே அணியை தோற்கடித்தது.

மற்றொரு போட்டியில் ஜப்பான் 7-0 என்ற கோல் கணக்கில் கஜகஸ்தானை வீழ்த்தியது.

தேசிய விளையாட்டான ஹாக்கியை ஊக்கப்படுத்தும் விதமாக மத்திய அரசு பல்வேறு நடவடிக்கைகளை எடுத்து வருகிறது. அதன் ஒரு பகுதியாக பீகாரில் நடைபெற்று வரும் ஆசிய கோப்பை ஹாக்கி தொடருக்கான டிக்கெட்டுகள் இலவசம் என அறிவிக்கப்பட்டுள்ளது.