அமெரிக்கா மற்றும் இஸ்ரேல் ஆகிய நாடுகளுடன் ஏற்பட்ட மோதல்களின் பின்னணியில், பெரிய அளவிலான இறுதி ஊர்வலத்தை நடத்துவது ஆபத்தானதாக ஈரான் அதிகாரிகள் கருதுகின்றனர்.
மத்திய கிழக்கில் பதற்றத்தை அதிகரித்துள்ள சூழ்நிலையில், அலி காமெனி தொடர்பான தகவல்கள் உலகளவில் கவனத்தை ஈர்த்துள்ளன. ஈரான் நாட்டின் உச்ச தலைவராக இருந்த அவர், அமெரிக்க – இஸ்ரேல் தாக்குதல்களில் உயிரிழந்தார்.
அவரது மரணத்திற்கு பல வாரங்கள் கடந்தும், இன்னும் இறுதி சடங்கு நடைபெறாதது சர்வதேச அளவில் விவாதமாகியுள்ளது.இந்த தாமதம் பாதுகாப்பு காரணங்களால் ஏற்பட்டதாக கூறப்படுகிறது.
அமெரிக்கா மற்றும் இஸ்ரேல் ஆகிய நாடுகளுடன் ஏற்பட்ட மோதல்களின் பின்னணியில், பெரிய அளவிலான இறுதி ஊர்வலத்தை நடத்துவது ஆபத்தானதாக ஈரான் அதிகாரிகள் கருதுகின்றனர். குறிப்பாக, மக்கள் திரளாக கூடும் நிகழ்வுகள் மீது தாக்குதல் நடக்கக்கூடும் என்ற அச்சம் நிலவுவதாக தகவல்கள் தெரிவிக்கின்றன.
மேலும், நாட்டின் உள்நாட்டு அரசியல் சூழலும் பதற்றமாக இருப்பதால், எந்தவொரு அவசர முடிவையும் எடுக்காமல் கவனமாக செயல்படுகிறது ஈரான் அரசு. இதனால், அவரது உடல் பாதுகாப்பான ரகசிய இடத்தில் வைக்கப்பட்டிருக்கலாம் என்றும் கூறப்படுகிறது.
இந்நிலையில், அவரது சொந்த ஊரான Mashhad பகுதியில் கடும் பாதுகாப்புடன் அல்லது ரகசியமாக இறுதி சடங்கு நடத்தும் வாய்ப்பு இருப்பதாக தகவல்கள் வெளியாகியுள்ளன.
போர் நிறுத்தம் தற்காலிகமாக அமலில் இருந்தாலும், மத்திய கிழக்கு பிராந்தியத்தில் நிலைமை இன்னும் பதற்றமாகவே காணப்படுகிறது. இந்நிலையில், இறுதி சடங்கு எப்போது நடைபெறும் என்பது குறித்து தெளிவான அறிவிப்பு வெளியாகவில்லை.
