அறிமுக போட்டியிலேயே 4 விக்கெட்டுகள்..! அசத்திய அஸ்வினி குமார்

ஐபிஎல் தொடரின் இன்றைய போட்டியில் மும்பை இந்தியன்ஸ் அணி கொல்கத்தா நைட் ரைடர்ஸ் அணியை எதிர்கொண்டது.

டாஸ் வென்ற மும்பை அணி பவுலிங் செய்ய முடிவெடுத்ததால், முதலில் கொல்கத்தா அணி பேட்டிங் செய்தது. தொடக்கம் முதலே விக்கெட்டுகளை இழக்க தொடங்கிய கொல்கத்தா அணியில், அதிகபட்சமாக அங்க்கிரிஷ் ரகுவன்ஷி மட்டும் 26 ரன்கள் எடுத்தார். மற்ற வீரர்கள் சொற்ப ரன்களில் ஆட்டமிழந்தனர்.

இந்த இன்னிங்சின்போது, கொல்கத்தா அணியின் கேப்டன் ரஹானேவின் விக்கெட்டை தனது ஐபிஎல் அறிமுக போட்டியின் முதல் பந்திலேயே வீழ்த்தி கவனத்தை ஈர்த்தார் அஸ்வனி குமார்.

அதுமட்டுமின்றி, ரிங்கு சிங், மணீஷ் பாண்டே, ஆண்டரே ரஸல் ஆகியோரது விக்கெட்டுகளை வீழ்த்தி மலைக்க வைத்தார் அஸ்வனி குமார். ஐபிஎல் தொடர்களில், அறிமுகமான போட்டியிலேயே 4 விக்கெட்டுகளை வீழ்த்திய வீரர் என்ற சாதனையையும் படைத்தார் அஸ்வனி குமார்.

இதையும் படிக்க: “தோனி மீண்டும் சென்னை சூப்பர் கிங்ஸ் அணியின் கேப்டனாக வேண்டும்…” – முன்னாள் இந்திய வீரர் கருத்து

இந்த போட்டியில் 3 ஓவர்கள் மட்டுமே வீசிய அஸ்வனி குமார், 24 ரன்கள் விட்டுக்கொடுத்து 4 விக்கெட்டுகளை வீழ்த்தினார். இதனால் கொல்கத்தா நைட் ரைடர்ஸ் அணி 116 ரன்களுக்கு அனைத்து விக்கெட்டுகளையும் இழந்தது. 117 ரன்கள் எடுத்தால் வெற்றி என்ற எளிய இலக்குடன், மும்பை இந்தியன்ஸ் அணி பேட்டிங் செய்து வருகிறது.