அரச ஊழியர்களுடன் போராடும் அநுர அரசு : வெளிப்படையாக தெரிவித்த அமைச்சர்

 தேசிய மக்கள் சக்தியின் கொள்கைகளை பாதுகாப்பதற்காக தேசிய மக்கள் சக்தி அரசாங்கம் தற்போது அரச அதிகாரிகளுடன் போராடி வருகின்றது, அதேசமயம் தேசிய மக்கள் சக்தி ஆட்சியை கைப்பற்றுவதற்கு முன்னர் மக்களின் உரிமைகளுக்காக வீதியில் இறங்கி போராட வேண்டியிருந்தது என கைத்தொழில் அமைச்சர் சுனில் ஹந்துன்நெத்தி(Sunil Handunneththi) இன்று (28)தெரிவித்தார்.

‘ஷில்பாபிமானி’ ஜனாதிபதி விருதுகள் வழங்கும் நிகழ்வில்,உரையாற்றும்போதே அவர் மேற்கண்டவாறு தெரிவித்தார். அவர் தனதுரையில் மேலும் தெரிவிக்கையில்,

பழைய நிலையில் உள்ள அரச அதிகாரிகள்

சில அதிகாரிகள் அரசாங்கத்தின் ஆணையை உணராமல், இன்னும் தங்கள் பழைய முடிவுகள், உடன்படிக்கைகள், அமைச்சரவை முடிவுகள் மற்றும் வர்த்தமானி அறிவித்தல்களில் நிற்கிறார்கள் என்று கூறினார்.

“நாங்கள் ஆட்சிக்கு வருவதற்கு முன்பு, நாங்கள் மக்களின் உரிமைகளுக்காக, வீண்விரயம், கொள்ளை, மோசடி மற்றும் ஊழலுக்கு எதிராக தெருக்களில் போராடினோம், மேலும் அரசாங்கத்தின் தவறான செயல்களை விமர்சித்தோம். இப்போது, ​​​​நாம், வேலை செய்து முடிவுகளை எடுத்த அரச அதிகாரிகளுடன் போராட வேண்டும்.

அநுரகுமாரவிற்கு ஆணை வழங்கப்பட்டுள்ளது 

மக்களுக்கு எதிராக செயல்பட்ட முன்னாள் அரசுகளின் கொள்கைகளின்படி, அவர்களுக்கு நிவாரணம் வழங்காமல், அவர்களின் உரிமைகளை மீறுவதில் தற்போது, ​​பழைய நடைமுறைகளை அகற்றுவதில் அவர்களுக்கு சிக்கல் ஏற்பட்டுள்ளது. கடந்த அரசாங்கங்களின் போது தாங்கள் கடைப்பிடித்த கொள்கைகளுக்கு எதிராக ஜனாதிபதி அநுரகுமாரவிற்கு(anura kumara dissanayake) ஆணை வழங்கப்பட்டுள்ளது என்பதை அவர்கள் உணர்ந்து கொள்வதில் சிரமப்படுகின்றனர்.

இந்த நிலைமையை அதிகாரிகளை நம்ப வைப்பதும் கடினமாக இருப்பதாக கூறிய அமைச்சர், அதிகாரிகள் இன்னும் தங்கள் பழைய தீர்மானங்கள், உடன்படிக்கைகள், அமைச்சரவை முடிவுகள் மற்றும் வர்த்தமானி அறிவிப்புகளில் உறுதியாக இருப்பதாகவும் கூறினார்.

“மக்களின் தேவைகளைப் பூர்த்தி செய்ய, தேசிய பொருளாதாரம், உள்ளூர் தொழில்கள் போன்றவற்றை வலுப்படுத்த அவர்கள் முடிவுகளை எடுக்கவில்லை, ஆனால் வெளிநாட்டு சக்திகள், இறக்குமதியாளர்கள் மற்றும் பல தேசிய நிறுவனங்களை வலுப்படுத்த மட்டுமே அவர்கள் ஆர்வம் காட்டுகின்றனர். அதற்கேற்ப வரிக் கொள்கைகளை அவர்கள் எடுத்துள்ளனர்.

அதிகாரிகள் இன்னும் அதற்காக வாதிடுகின்றனர். இன்று அவர்கள் எடுத்த முடிவுகளுக்காக எங்களுடன் போராடுகிறார்கள். நிதி அமைச்சகம், வரிக் கொள்கை போன்றவற்றுடன் நாங்கள் போராட வேண்டியுள்ளது என அவர் மேலும் தெரிவித்தார்.