Last Updated:
ரயில் இயக்கத்தை மேம்படுத்தவும் போக்குவரத்து திறனை அதிகரிக்கவும் மேற்கொள்ளப்படும் இத்திட்டத்திற்கு, குடியரசுத் தலைவரின் ஒப்புதல் பெறப்பட்டுள்ளது.
அரக்கோணம் – ரேணிகுண்டா இடையே 77 கிலோமீட்டர் தொலைவிற்கு 3 மற்றும் 4 ஆவது ரயில் பாதைகள் அமைக்கும் ரூ. 1,936 கோடி மதிப்பிலான திட்டத்திற்கு மத்திய அரசு ஒப்புதல் அளித்துள்ளது.
தமிழ்நாடு, ஆந்திரா, கர்நாடகா, தெலங்கானா ஆகிய மாநிலங்களில் உள்கட்டமைப்பை மேம்படுத்தும் வகையில் புதிதாக ஐந்து ரயில்வே திட்டங்களுக்கு மத்திய அமைச்சரவை அண்மையில் ஒப்புதல் அளித்திருந்தது. சுமார் 10,021 கோடி ரூபாய் மதிப்பில் செயல்படுத்தப்படும் இத்திட்டங்கள், இப்பகுதிகளின் போக்குவரத்து வசதியை அடுத்த கட்டத்திற்கு கொண்டு செல்லும் என எதிர்பார்க்கப்படுகிறது. இந்த நிதி ஒதுக்கீட்டின் கீழ் தெற்கு ரயில்வே எல்லைக்குட்பட்ட அரக்கோணம் முதல் ரேணிகுண்டா வரையிலான 77 கிலோமீட்டர் தொலைவுக்கு 3 மற்றும் 4 ஆவது ஆரயில் பாதைகள் அமைக்கும் பணிக்கு ரூ. 1,936 கோடி நிதி ஒதுக்கப்பட்டுள்ளது.
ரயில் இயக்கத்தை மேம்படுத்தவும் போக்குவரத்து திறனை அதிகரிக்கவும் மேற்கொள்ளப்படும் இத்திட்டத்திற்குக் குடியரசுத் தலைவரின் ஒப்புதல் பெறப்பட்டுள்ளது. இதில், சிவில் பணிகளுக்கு 1,504 கோடி ரூபாயும், சிக்னல் மற்றும் தொலைத்தொடர்பிற்கு 225 கோடி ரூபாயும், மின்சாரப் பணிகளுக்கு 206 கோடி ரூபாயும் ஒதுக்கப்பட்டுள்ளது. இந்த இரு புதிய பாதைகள் மூலம் சென்னை-ரேணிகுண்டா வழித்தடத்தில் ரயில் போக்குவரத்து நெரிசல் பெருமளவில் குறையும் என எதிர்பார்க்கப்படுகிறது.
