Last Updated:
அமெரிக்கா 11 ஏர் கிராஃப்ட் கேரியர்களுடன் உலகக் கடல்களைக் கட்டுப்படுத்தினாலும், ஈரான் தனது சிறிய நீர்மூழ்கிக் கப்பல்கள் மூலம் ஹார்முஸ் ஜலசந்தியை முடக்கும் வல்லமை பெற்றுள்ளது.
அமெரிக்கா மற்றும் ஈரான் நாடுகளுக்கு இடையே மோதல் ஏற்பட்டிருப்பதால் உலக அளவில் பதற்றமான சூழல் காணப்படுகிறது. இந்நிலையில் இரு நாடுகளின் தோராயமான ராணுவ பலம் பற்றி இந்த பதிவில் பார்க்கலாம்.
இன்று அமெரிக்கா மற்றும் இஸ்ரேல் இணைந்து ஈரானின் உச்ச தலைவர் அலி கமேனியின் இருப்பிடத்தை இலக்கு வைத்து நடத்திய தாக்குதல், இரு நாடுகளுக்கும் இடையிலான ராணுவ பலம் குறித்த விவாதத்தை உலகளவில் ஏற்படுத்தியுள்ளது.
2026-ஆம் ஆண்டின் உலகளாவிய ராணுவ வலிமைப் பட்டியலில் (Global Firepower Rankings) அமெரிக்கா முதலிடத்திலும், ஈரான் 16-வது இடத்திலும் உள்ளன. பொருளாதார ரீதியாக அமெரிக்கா 895 பில்லியன் டாலர் பாதுகாப்பு பட்ஜெட்டைக் கொண்டுள்ள நிலையில், ஈரான் வெறும் 15 பில்லியன் டாலர் பட்ஜெட்டை மட்டுமே கொண்டுள்ளது.
மனித வளத்தைப் பொறுத்தவரை, அமெரிக்காவிடம் 13.3 லட்சம் தீவிரப் பணி வீரர்களும், ஈரான் வசம் 6.1 லட்சம் வீரர்களும் உள்ளனர். வான்வழியில் அமெரிக்கா 13,000-க்கும் மேற்பட்ட அதிநவீன போர் விமானங்களுடன் ஆதிக்கம் செலுத்துகிறது. மாறாக, ஈரான் 550 போர் விமானங்களை மட்டுமே கொண்டுள்ளது, அவையும் பெரும்பாலும் பழைய சோவியத் காலத்து மாடல்களாகவே உள்ளன.
நிலப்போர் மற்றும் தற்காப்புத் தொழில்நுட்பங்களில் ஈரான் ஓரளவிற்குச் சவாலளிக்கக்கூடிய நிலையில் உள்ளது. அமெரிக்காவிடம் 4,666 டேங்கிகள் உள்ள நிலையில், ஈரான் 2,675 டேங்கிகளை வைத்துள்ளது. குறிப்பாக, ஈரானின் பலம் அதன் உள்நாட்டுத் தயாரிப்பான ‘ஷாஹித்’ (Shahed) ரக காமிகேஸ் ட்ரோன்களில் உள்ளது. இவை குறைந்த விலையில் தயாரிக்கப்படுபவை என்றாலும், கூட்டமாக ஏவப்படும்போது அமெரிக்காவின் அதிநவீன வான் பாதுகாப்பு அமைப்புகளையே திணறடிக்கக்கூடியவை.
ஒட்டுமொத்தமாகப் பார்த்தால், தொழில்நுட்ப ரீதியாக அமெரிக்கா முன்னிலையில் இருந்தாலும், ஈரானின் ஏவுகணைப் பட்டாளம் மற்றும் ட்ரோன் போர்முறை அமெரிக்காவிற்கு சவாலாக இருக்கும் என்று ராணுவ வல்லுநர்கள் கருதுகின்றனர்.
Click here to add News18 as your preferred news source on Google. Feb 28, 2026 10:33 PM IST
அமெரிக்கா vs ஈரான்: யாரிடம் என்னென்ன ஆயுதங்கள் உள்ளன.. இரு நாடுகளின் ராணுவ பலம் ஒப்பீடு..
