போரை முடிவுக்குக் கொண்டுவருவதற்கான தனது சமீபத்திய முன்மொழிவுக்கு பதிலுக்காக ஈரான் காத்திருக்கும் நிலையில், முந்தைய சுற்றுப் பேச்சுவார்த்தைகளைத் தொடர்ந்து தாக்குதல்களும் தடைகளும் விதிக்கப்பட்டதால், அமெரிக்காவுடனான பேச்சுவார்த்தைகளை ஈரான் இனி நம்புவதில்லை என்று மசூத் பெஷெஷ்கியன் தெரிவித்துள்ளார்.
அமெரிக்கத் தரப்பின் மீது எங்களுக்கு நம்பிக்கை இல்லை, அவர்களுடன் எந்த அடிப்படையில் ஒரு உடன்பாட்டை எட்ட முடியும் என்பதும் எங்களுக்குத் தெரியவில்லை என்று அவர் கூறியுள்ளார்.
உலகத் தலைவர்களின் ஐக்கிய நாடுகள் சபைக் கூட்டத்திற்காக இந்த வாரம் அமெரிக்காவுக்குப் பயணம் மேற்கொண்ட பெஷெஷ்கியனும், ஈரானின் வெளியுறவு அமைச்சர் அப்பாஸ் அராக்சியும், ஈரானுக்கு எதிரான அமெரிக்க – இஸ்ரேல் போரை முடிவுக்குக் கொண்டுவரவும், ஏழு நாட்களுக்குள் ஹோர்முஸ் நீரிணையில் உள்ள தடையை நீக்கவும் வழிவகுக்கும் ஒரு ஒப்பந்தத்தை முன்மொழிந்தனர்.
ஈரானுக்கான பாதைகள்
இந்நிலையில் ஹோர்முஸ் நீரிணையை மறித்ததற்கு ஈரான் காரணம் என்பதை மறுத்த பெஷெஷ்கியன், எங்களுக்கு முன்பே அமெரிக்கா பாதைகளை மூடிவிட்டது என்று கூறியுள்ளார்.
ஈரானுக்கான பாதைகள் துண்டிக்கப்படும்போது இது ஒரு இயல்பான எதிர்வினையே எனறும் அவர் கூறியுள்ளார்.
வன்முறையை விடுத்து பேச்சுவார்த்தைகள் மூலம் நெருக்கடியைத் தீர்க்க முடியும் என்றும், பேச்சுவார்த்தைகள் மூலம் போர் முடிவுக்கு வந்தால் அந்த நீர்வழிப்பாதை வர்த்தகக் கப்பல் போக்குவரத்திற்காக மீண்டும் திறக்கப்படும் என்றும் அவர் கூறியுள்ளார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்…! |
