அமெரிக்காவுடன் அமைதி ஒப்பந்தத்தை எட்டுவதற்காக நடத்தப்படும் பேச்சுவார்த்தைகள் தற்போது முட்டுக்கட்டையில் இருப்பதாக ஈரானின் உச்ச தலைவர் மொஜ்தபா கமேனியின் ராணுவ ஆலோசகரான மொஹ்சென் ரெசாய் தெரிவித்துள்ளார்.
சிஎன்என் ஊடகத்திற்கு அளித்த பேட்டியில் இதனைத் தெரிவித்துள்ள ரெசாய், “பேச்சுவார்த்தைகள் முட்டுக்கட்டையை எட்டியுள்ளன; டொனால்ட் ட்ரம்ப் தான் இந்த முட்டுக்கட்டையை உடைக்க வேண்டும். பந்து இப்போது ட்ரம்ப்பின் பக்கமே உள்ளது” என்று கூறியுள்ளார்.
மேலும், தற்போதைய மோதல்கள் மீண்டும் தொடங்குமானால், இந்த போர் இந்தியப் பெருங்கடல், செங்கடல், பாப் அல்-மந்தேப் நீரிணை மற்றும் மத்திய தரைக்கடல் பகுதி வரை விரிவடையும் என்றும் அவர் எச்சரித்துள்ளார்.
உலகின் எரிபொருள் விநியோகம்
இதுவரை, ஈரானின் ஆதரவு பெற்ற ஏமனின் ஹவுதி அமைப்பினர், செங்கடலுக்குள் செல்லும் முக்கிய வழித்தடமான பாப் அல்-மந்தேப் நீரிணையில் கப்பல் போக்குவரத்தின் மீது தாக்குதல் நடத்துவதைத் தவிர்த்து வந்துள்ளனர்.
இந்த பாப் அல்-மந்தேப் மற்றும் ஹோர்முஸ் ஆகிய இரு முக்கிய நீரிணைகளும் மூடப்பட்டால், அது உலகின் எண்ணெய் மற்றும் எரிவாயு விநியோகத்தில் சுமார் கால் பகுதியை (25%) துண்டித்துவிடும் என்பது குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்…! |
