அமெரிக்காவுக்குள் சட்ட விரோதமாக குடியேறியவர்கள் எத்தனை பேர்? அவர்களில் இந்தியர்களின் எண்ணிக்கை எவ்வளவு?

இந்த நிலையில், அமெரிக்காவுக்குள் சட்டவிரோதமாக குடிபெயர்ந்தவர்கள் எத்தனை பேர் என்கிற கேள்வி எழுந்திருக்கிறது. 2023 ஆம் ஆண்டு தகவல் படி, அமெரிக்காவுக்குள் ஒரு கோடி பேர் முதல் ஒரு கோடியே 30 லட்சம் பேர் வரை சட்ட விரோதமாக குடியேறி இருக்கலாம் என்று தகவல்கள் கூறுகின்றன.

2007 ஆம் ஆண்டு முதல் 2019 ஆம் ஆண்டு வரையில் இந்த எண்ணிக்கை குறைவாக இருந்த நிலையில், 2021 ஆம் ஆண்டு ஒரு கோடியே 5 லட்சம் ஆக உயர்ந்தது. இதற்கிடையே, அமெரிக்காவில் புகலிடம் கேட்டு விண்ணப்பித்தவர்கள் எண்ணிக்கை 10 லட்சம் ஆக உயர்ந்துள்ளதாக தகவல்கள் தெரிவிக்கின்றன.

சட்டவிரோதமாக குடிபெயர்ந்தவர்களின் சதவீதம் அமெரிக்க மக்கள் தொகையில் மூன்று சதவீதமாக இருப்பதாக அதிர்ச்சி தகவல்கள் கூறுகின்றன. அமெரிக்காவில் இந்தியர்கள் எண்ணிக்கை கணிசமாக உள்ளது என்பது அறிந்தது தான்.

அந்நாட்டின் பல்வேறு துறை வளர்ச்சிகளில் இந்தியர்களின் பங்கு முக்கியத்துவம் வாய்ந்தது. 2022 ஆம் ஆண்டு தகவலின் படி, அமெரிக்காவில் 7 லட்சம் இந்தியர்கள் சட்ட விரோதமாக தங்கி இருப்பதாக தகவல்கள் வெளிவந்தன. அந்த வகையில், மெக்சிகோ மற்றும் எல் சல்வடோர் நாட்டு மக்களுக்கு அடுத்தபடியாக அமெரிக்காவில் சட்டவிரோதமாக அதிக எண்ணிக்கையில் குடிபெயர்ந்தவர்களாக இந்தியர்கள் உள்ளனர்.

மேலும், சட்டப்படி அமெரிக்காவில் குடியேறும் இந்தியர்களின் எண்ணிக்கையும் கணிசமாக அதிகரித்துள்ளது. 1990 ஆம் ஆண்டு கணக்கெடுப்பின்படி, அமெரிக்காவில் 6 லட்சம் இந்தியர்கள் வசித்து வந்தனர். தற்போது அவர்களுடைய எண்ணிக்கை 32 இலட்சமாக உயர்ந்திருப்பதாக தகவல்கள் கூறுகின்றன.