அமெரிக்காவில் கீழே விழுந்து விபத்துக்குள்ளான விமானம் : ஐவர் பலி

அமெரிக்காவில்  சிறிய ரக விமானம் ஒன்று கீழே விழுந்து வாகனத்தின் மீது மோதி விபத்துக்குள்ளாகியுள்ளது.

குறித்த விபத்தானது அமெரிக்காவில் அரிசோனா மாகாணத்தில் இடம்பெற்றுள்ளது.

அத்தோடு, இந்த விபத்து சம்பவத்தில் ஐவர் உயிரிழந்துள்ளதாக சர்வதேச ஊடகங்கள் செய்தி வெளியிட்டுள்ளன.

தீப்பிடித்து எரிந்த விமானம்

விபத்து சம்பவம் குறித்து மேலும் தெரியவருகையில், அரிசோனா விமான நிலையத்தில் ஹோண்டா HA-420 ரக ஜெட் விமானம் நேற்று மாலை 4.40 மணியவில் புறப்பட ஆயத்தமாகியுள்ளது.

இதன்போது விமான நிலையத்தின் சுற்றுப்புற வேலி மீது மற்றும் அருகில் இருந்த வாகனங்கள் மீதும் மோதி விமானம் விபத்துக்குள்ளாகியுள்ளது.

விமானம் விழுந்த வேகத்தில் தீப்பிடித்து எரிந்த நிலையில், இதில் 12 வயது சிறுவன் உள்பட ஐவர் தீயில் கருகி உயிரழிந்துள்ளனர்.

விபத்து குறித்து விசாரணை

இதில், விமானத்தில் இருந்த நான்கு பேர் சம்பவ இடத்திலேயே உயிரிழந்ததாக மெசா காவல்துறையினர் தெரிவித்துள்ளனர்.

இந்த விபத்தில் விமானத்தில் இருந்த ஐந்தாவது நபர் உயிர் தப்பியதாகவும், தீக்காயங்களுடன் மருத்துவமனையில் அனுமதிக்கப்பட்டுள்ளதாகவும் தெரிவிக்கப்பட்டுள்ளது.

மேலும், விபத்தில் சிக்கிய வாகனத்தின் ஓட்டுனரும் உயிரிழந்துள்ளதுடன் இந்த விபத்து குறித்து விசாரணை நடத்தி வருவதாக தெரிவிக்கப்பட்டுள்ளமை குறிப்பிடத்தக்கது.