அமெரிக்காவில் இந்தியர் தலையை துண்டித்து கொடூர கொலை.. மனைவி, மகன் கண் முன்னே படுபயங்கரம்.. | உலகம்

இவர் பணியாற்றிய ஹோட்டலில் உள்ள வாஷிங் மெஷின் பழுதாகியுள்ளது. எனவே, அதை யாரும் பயன்படுத்த வேண்டாம் என்று மேலாளரான சந்திரமவுலி, சக ஊழியர்களிடம் கூறியுள்ளார். அங்கு பணியாற்றிய 37 வயதான கோபஸ் மார்டினெஸ் என்பவர், அதை காதில் வாங்கிக் கொள்ளாமல் இருந்துள்ளார். இதையடுத்து, அருகில் இருந்த பெண் மூலமாக வாஷிங் மெஷினை பயன்படுத்த வேண்டாம் என மார்டினெஸிடம் கூறியுள்ளார்.

அப்போது இருவருக்கும் இடையே ஏற்பட்ட வாக்குவாதம் கைகலப்பாகியுள்ளது. ஒரு கட்டத்தில் ஆத்திரமடைந்த மார்டினெஸ், கத்தியை எடுத்துக் கொண்டு தாக்க வந்துள்ளார். அதைக் கண்டு அதிர்ச்சியடைந்த சந்திரமவுலி தப்பியோட முயற்சித்துள்ளார். ஆனால், விடாமல் துரத்திச் சென்ற மார்டினெஸ், சந்திரமவுலியை சரமாரியாக கத்தியால் குத்தியுள்ளார். அந்த நேரம் பார்த்து அங்கு சந்திரமவுலியின் மனைவி மற்றும் மகன் வந்துள்ளனர்.

இந்நிலையில், அவர்கள் தடுத்த போதும் இருவரையும் தள்ளிவிட்டு சந்திரமவுலியை தொடர்ந்து கண்மூடித் தனமாக குத்தியுள்ளார். தொடர்ந்து ஆத்திரத்தில் ரத்த வெள்ளத்தில் சரிந்து விழுந்தவரின் கழுத்தை அறுத்த மார்டினெஸ், தலையை துண்டித்து சாலையில் வீசி எட்டி உதைத்துள்ளார். இந்த கொலைபாதக செயலை கண்டு அங்கிருந்தவர்கள் அதிர்ச்சியில் உறைந்து போயினர்.