அபய்ராப் ரேபிஸ் தடுப்பூசி: ஆஸி. அரசு சொன்ன அதிர்ச்சி அலர்ட்… மறுத்த இந்திய நிறுவனம்! நடந்தது என்ன? | உடல்நலம்

ஆனால் இந்த ரேபிஸ் தடுப்பு மருந்து போலியானவை என்றும், அதனை ஆஸ்திரேலிய சுற்றுலாப் பயணிகள் இந்தியாவில் போட்டுக் கொள்ளக் கூடாது என்றும் அந்நாட்டு சுகாதார அமைச்சகம் தெரிவித்துள்ளது. இந்நிலையில், அபய்ராப் தடுப்பு மருந்தை தயாரிக்கும் ஐஐஎல் (Indian Immunologicals Limited – IIL) நிறுவனம் அதனை மறுத்துள்ளது.

இது தொடர்பாக அளிக்கப்பட்ட விளக்கத்தில் 2024 மார்ச்சில் தயாரான குறிப்பிட்ட பேட்ச் மருந்துகளில் மட்டுமே பேக்கிங் குறைபாடு காணப்பட்டதாகவும், அது 2025 ஜனவரியில் தங்கள் கவனத்திற்கு வந்ததுமே சந்தையில் இருந்து முழுவதுமாக அகற்றப்பட்டுவிட்டதாகவும் தெரிவிக்கப்பட்டுள்ளது.

இந்தக் குறைபாடு கண்டறியப்பட்டதும் உடனடியாக சுகாதார அமைச்சகத்திற்கு தகவல் தெரிவிக்கப்பட்டு, முறைப்படி புகார் அளிக்கப்பட்டதாகவும் அந்நிறுவனம் தெரிவித்துள்ளது. இந்தியாவில் தயாராகும் அனைத்து தடுப்பூசிகளும் ஒவ்வொரு பேட்ச் வாரியாக மத்திய மருந்துப்பொருள் ஆய்வகம், ஆய்வு செய்தபிறகே சந்தைக்கு வருவதாகவும் விளக்கம் அளிக்கப்பட்டுள்ளது.