JioHotstar-ன் “Superstars” நிகழ்ச்சியில் பிரத்யேகமாக பேசிய ஹார்திக் பாண்ட்யா, TATA IPL 2024 சீசனில் அவருக்குக் கிடைத்த அனுபவங்களை பற்றி கூறியதாவது-
“IPL-ல் விளையாடி 11 ஆண்டுகளாகிறது. ஒவ்வொரு சீசனும் புதிய ஆற்றலையும், நேர்மறை உணர்வையும் தருகிறது. 2024 சீசன் எங்கள் குழுவுக்கு சவாலாக இருந்தது, ஆனால் அதிலிருந்து விலைமதிப்பற்ற பாடங்கள் கிடைத்தன. அந்த அனுபவங்களைப் பரிசோதித்து, 2025 சீசனைக்காக நாங்கள் அணியை உருவாக்கும்போது பயன்படுத்தினோம்.
இந்த முறை, மிகவும் அனுபவமுள்ள வீரர்களை தேர்ந்தெடுத்துள்ளோம்—உச்ச மட்டத்தில் நிறைய கிரிக்கெட் விளையாடிய வீரர்கள். இது மிகவும் உற்சாகமாக உள்ளது. தற்போது, எங்களது திட்டங்களைச் செயல்படுத்துவதே முக்கியம். அதில் வெற்றி பெற்றால், எதிர்காலத்தில் எங்களுக்கு சில சிறந்த நாட்கள் இருக்கும்.”
TATA IPL ஏலத்தைப் பற்றிய ஹர்திக் பாண்ட்யாவின் பார்வை:
“நாங்கள் தேர்வு செய்த வீரர்கள்—முக்கியமாக அனுபவமுள்ள வீரர்கள்—எங்கள் திட்டத்திலேயே இருந்தனர். எங்களுக்கு தேவை என்ன என்பதை தெளிவாக அறிந்திருந்தோம். இந்த ஆண்டில், எங்கள் முதன்மை இலக்கு ஒரு வலுவான பந்துவீச்சுத் திறன் கொண்ட அணியை உருவாக்குவதுதான். வான்கடே மைதானத்தில் விளையாடுவது ஒரு பெரிய சவால், ஏனெனில் பவுலர்கள் ஆதிக்கம் செலுத்தும் வகையில் அதிக ரன்கள் அடிக்க கூடிய பிச்சாக இது அமைந்துள்ளது.
அதனால், எங்கள் அணியில் வேகம், ஸ்விங் மற்றும் ரீபவுண்ஸ் அளிக்கக்கூடிய திறமையான பந்துவீச்சாளர்களை தேர்ந்தெடுத்தோம். ஒட்டுமொத்தமாக, நாங்கள் சமநிலை வாய்ந்த ஒரு அணியை உருவாக்கியிருக்கிறோம். இனி, மைதானத்தில் இறங்கி எங்கள் திறமையை நிரூபிப்பதே முக்கியம்.”
இளம் IPL வீரர்களுக்கான பாண்ட்யாவின் மெசேஜ்:
“IPL-க்கு வரும் இளம் வீரர்கள் மிகுந்த திறமையுடையவர்கள். அவர்களுக்கு நான் சொல்ல விரும்பும் முக்கியமான விஷயம்—உங்கள் மீது நம்பிக்கை வையுங்கள். நீங்கள் இங்கே வந்திருப்பதற்குக் காரணம் உங்கள் திறமையே. ஆனால் இளம் வயதில் அனைவரும் எதிர்கொள்ளும் பெரிய சவால், மனதில் எழும் சந்தேகங்கள். சில சமயம், அவர்கள் தங்களைப் பற்றியே சந்தேகப்படுவார்கள்—நாம் இத்தளத்திற்கு உரியவர்களா? என்று. இந்த மனநிலை அவர்களின் திறமையை பாதிக்கக்கூடும். அதனால், மனதை கட்டுப்படுத்துவதே மிக முக்கியம்.
நான் அவர்களுக்கு பகிர விரும்பும் பாடம் என்னவென்றால், கிரிக்கெட்டில் ஏற்ற இறக்கங்கள் இயல்பானவை. ஒரே ஒரு சீசனுக்கு அல்ல, நீண்ட காலத்திற்காக சமநிலை கடைப்பிடிக்க வேண்டும். அமைதியாக, நிதானமாக செயல்பட்டால், ஒவ்வொரு சந்தர்ப்பத்தையும் சரியாகப் பயன்படுத்தலாம். அவர்கள் பல சவால்களை எதிர்கொள்வார்கள், ஆனால் பொறுமையுடன் செயல்பட்டால் வெற்றி பெறலாம். திறமை மற்றும் தைரியம் அவர்கள் பெற்றே வந்ததே, அவர்களிடம் வேண்டியது, தங்களைப்பற்றி உறுதியான நம்பிக்கை மட்டுமே.”
போராட்ட ஆட்டங்களில் உறுதி மற்றும் பொறுமை அவசியம் என்பதைப் பற்றிப் பாண்ட்யா கூறியதாவது:
“என்னைப் பொறுத்தவரை, போர்க்களத்தை ஒருபோதும் விட்டு செல்லாமலிருப்பதே முக்கியம். என் வாழ்க்கையின் சில கட்டங்களில், வெற்றியை விட முக்கியமானது, அந்த தருணங்களை கடந்து செல்லவேண்டும் என்ற மனப்பான்மை தான். என்னைச் சுற்றி என்ன நடந்தாலும், கிரிக்கெட் எனக்கு மிகப்பெரிய ஆதரவாக இருந்தது. அதுவே எனது முன்னேற்றப் பாதையாக அமைந்தது. நான் தொடர்ந்து போராடினேன், கடுமையாக உழைத்தேன். இறுதியில், அந்த உழைப்புக்கு கிடைத்த வெற்றி, நான் நினைத்ததை விட பெரியதாய் அமைந்தது.
இதையும் படிங்க – 62 வயதில் சர்வதேச கிரிக்கெட்டில் அறிமுகம்..! சாதனை படைத்த துருக்கி வீரர்
ஆறு மாத காலப்பகுதியில் உலகக் கோப்பையை வென்றோம், அதன் பிறகு நாடு திரும்பியபோது மக்கள் அளித்த அன்பும் ஆதரவும் எனக்கு ஒரு முழுமையான மாற்றத்தை ஏற்படுத்தியது. அந்த காலகட்டத்தில், நம்பிக்கை, நேர்மை, கடின உழைப்பு ஆகியவற்றைத் தொடர்ந்து என் முழு திறமையுடன் செயல்பட்டேன். எப்போது இது நடக்கும் என்று தெரியாது, ஆனால் அந்த நம்பிக்கையோடு இருந்தேன். இறுதியாக, விதி எதையோ திட்டமிட்டிருந்தது, இரண்டு மாதக்குள் என் வாழ்க்கையே மாறிவிட்டது.” என்று தெரிவித்தார்.
March 17, 2025 5:37 PM IST
