2016 ஆம் ஆண்டு தனது தம்பி மற்றும் அத்தை ஆகியோரை கொலை செய்த வழக்கில் வேலையில்லாத நபருக்கு மேல்முறையீட்டு நீதிமன்றம் அவருக்கு 35 ஆண்டுகள் சிறைத்தண்டனையும் 24 பிரம்படிகள் வழங்கவும் மேல்முறையீட்டு நீதிமன்றம் இன்று தீர்ப்பளித்தது. நீதிபதிகள் சே ருசிமா கசாலி, அஸ்மான் அப்துல்லா மற்றும் அஸ்மி அரிஃபின் ஆகியோர் அடங்கிய மூன்று பேர் கொண்ட பெஞ்ச், அஸ்மான் வஹாப்பின் முந்தைய தண்டனையை கொலைக்கு சமமானதல்ல என்று கொலைக்கான தண்டனையை ரத்து செய்து உத்தரவிட்டதாக பெர்னாமா தெரிவித்துள்ளது.
நீதிமன்றம் அஸ்மானுக்கு ஒவ்வொரு கொலைக் குற்றத்திற்கும் 35 ஆண்டுகள் சிறைத்தண்டனை விதித்தது. தண்டனைகள் ஒரே நேரத்தில் இயங்கும். மேலும் ஒவ்வொரு குற்றச்சாட்டிற்கும் 12 பிரம்பிடி விதிக்கப்பட்டது. அஸ்மான் முதலில் ஆகஸ்ட் 25, 2022 அன்று உயர் நீதிமன்றத்தால் குற்றவாளி என்று தீர்ப்பளிக்கப்பட்டது. குற்றவியல் சட்டத்தின் 304b பிரிவின் கீழ் கொலைக்கு சமமானதல்ல என அவருக்கு 16 ஆண்டுகள் சிறைத்தண்டனை வழங்கப்பட்டது.
நீதிமன்றத்தின் தீர்ப்பை வழங்குவதில், ருசிமா, அஸ்மானின் மனநிலை சரியில்லாததாகக் கூறப்பட்டதைக் கருத்தில் கொண்டு உயர்நீதிமன்றம் தன்னைத் தவறாக வழிநடத்தியதாகக் கூறினார். அஸ்மான் சந்தேகத்திற்கு இடமின்றி கொலைகளை செய்துள்ளார் என்பதை அரசு தரப்பு நிரூபித்துள்ளது என்றும் அவர் கூறினார்.
அக்டோபர் 2, 2016 அன்று காலை 11 மணியளவில் கெடாவில் உள்ள பாரிட் பஞ்சாங், பாலிங், கம்போங் லனாய் என்ற இடத்தில் உள்ள அவரது 26 வயது சகோதரர் அஸ்வானைக் கொன்றதாக அஸ்மான் குற்றவாளியாக அறிவிக்கப்பட்டார். அதே நாளில் காலை 11.10 மணியளவில் அதே வீட்டிற்கு வெளியே ரோகியா அப்துல்லா (54) என்பவரை கொலை செய்த குற்றத்திலும் அவர் குற்றவாளி என கூறப்பட்டடது.
