ஐசிசி டெஸ்ட் தரவரிசை… விராட் கோலியை பின்னுக்கு தள்ளிய யஷஸ்வி ஜெய்ஸ்வால்… முதலிடத்தில் அஷ்வின்

டெஸ்ட் போட்டிகளுக்கான தரவரிசை பட்டியலை சர்வதேச கிரிக்கெட் கவுன்சில் அப்டேட் செய்துள்ளது. இதன்படி பேட்ஸ்மேன்கள் தரவரிசையில் அனுபவ வீரர் விராட் கோலியை இளம் வீரர் யஷஸ்வி ஜெய்ஸ்வால் பின்னுக்கு தள்ளியுள்ளார்.

இங்கிலாந்து அணிக்கு எதிரான 5 போட்டிகள் கொண்ட டெஸ்ட் தொடரில் விராட் கோலி விளையாடாத நிலையில் அவருக்கு இந்த சரிவு ஏற்பட்டுள்ளது. இந்தியா மற்றும் இங்கிலாந்து அணிகள் மோதிய 5 போட்டிகள் கொண்ட டெஸ்ட் தொடர் மற்றும் ஆஸ்திரேலியா – நியூசிலாந்து இடையிலான 2 டெஸ்ட் போட்டிகள் நிறைவு பெற்ற நிலையில் தரவரிசை பட்டியலை அப்டேட் செய்யப்பட்டுள்ளது.

அணிகளை பொருத்தளவில் இந்திய அணி 122 புள்ளிகளுடன் முதலிடத்தில் நீடிக்கிறது. 120 புள்ளிகளுடன் ஆஸ்திரேலியா 2 ஆம் இடத்திலும்  இங்கிலாந்து அணி 3 ஆவது இடத்திலும் உள்ளன

பேட்ஸ்மேன்களில் இங்கிலாந்துக்கு எதிரான டெஸ்ட் தொடரின்போது இளம் வீரர் யஷஸ்வி ஜெய்ஸ்வால் சிறப்பான ஆட்டத்தை வெளிப்படுத்தி தொடர் நாயகன் விருதை வென்றார். 5 டெஸ்ட் போட்டிகளில் அவர் 712 ரன்களை குவித்துள்ளார்.

இதன் மூலம் மொத்தம் 740 புள்ளிகளைப் பெற்றுள்ள ஜெய்ஸ்வால் 8 ஆவது இடத்திற்கு முன்னேறியுள்ளார். இங்கிலாந்து அணிக்கு எதிரான 5 போட்டிகள் கொண்ட டெஸ்ட் தொடர் முழுவதுமே விராட் கோலி விளையாடாமல் இருந்தார். இதனால் அவரது புள்ளிகள் 737 ஆக குறைந்து ஜெய்ஸ்வாலுக்கு அடுத்த இடமான 9 ஆவது இடத்தை பிடித்துள்ளார்.

ரோஹித் சர்மா 751 புள்ளிகளுடன் 6 ஆவது இடத்தில் உள்ளார். நியூசிலாந்து அணயின் கேன் வில்லியம்சன் 859 புள்ளிகளுடன் முதலிடத்திலும், இங்கிலாந்து அணியின் ஜோ ரூட் 824 புள்ளிகளுடன் 2 ஆம் இடத்திலும் பாகிஸ்தான் அணியின் பாபர் ஆசம் 768 புள்ளிகளுடன் 3 ஆம் இடத்திலும் உள்ளனர்.

பவுலர்களுக்கான தரவரிசையில் இந்திய அணியின் ரவிச்சந்திரன் அஷ்வின் 870 புள்ளிகளுடன் முதலிடத்தில் நீடிக்கிறார். அடுத்தடுத்த இடங்களில் ஆஸ்திரேலியாவின் ஜோஷ் ஹேசல்வுட், இந்திய அணியின் பும்ரா, தென்னாப்பிரிக்காவின் ககிசோ ரபடா ஆகியோர் உள்ளனர்.

ஆல்ரவுண்டர்களுக்கான தரவரிசையில் முதலிடத்தில் ரவிந்திர ஜடேஜாவும், 2 ஆவது இடத்தில் அஷ்வினும் உள்ளனர்.

உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம். News 18 தமிழ் : வாட்ஸ் அப் சேனலை ஃபாலோ செய்யுங்கள்.
நியூஸ்18 தமிழ்நாடு தொலைக்காட்சியை, ARASU CABLE – 46, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்…