உ.பி. வாரியர்ஸ் அணிக்கு எதிரான போட்யில் பெங்களூரு த்ரில் வெற்றி! – News18 தமிழ்

மகளிர் பிரிமியர் லீக் டி20 தொடரில் உ.பி. வாரியர்ஸ் அணிக்கு எதிரான போட்டியில் பெங்களூரு அணி இரண்டு ரன்கள் வித்தியாசத்தில் திரில் வெற்றி பெற்றது.

பெங்களூருவில் நடைபெற்ற லீக் போட்டியில் ஸ்ருதி மந்தனா தலைமையிலான பெங்களூரு அணி, அலீசா ஹீலி தலைமையிலான உ.பி. வாரியர்ஸ் அணியை எதிர்கொண்டது. உ.பி. வாரியஸ் அணி டாஸ் வென்று பந்து வீச்சை தேர்வு செய்தது.

அதன்படி முதலில் களமிறங்கிய பெங்களூரு அணி 20 ஓவர்களில் 6 விக்கெட்டுகளை இழந்து 157 ரன்கள் குவித்தது. அந்த அணியில் அதிகபட்சமாக ரிச்சா கோஷ் 62 ரன்களும், மேகனா 53 ரன்களும் குவித்தனர்.

இதையடுத்து, 158 ரன்களை வெற்றி இலக்காக கொண்டு உ.பி வாரியர்ஸ் அணி விளையாடியது. வாரியர்ஸ் அணியின் தொடக்க ஆட்டக்காரர்கள் பெங்களூரு அணியின் ஷோபனா ஆஷாவின் சுழலில் தாக்குபிடிக்க முடியாமல் அடுத்தடுத்து விக்கெட்டை பறிகொடுத்தனர்.

இறுதியாக உ.பி. வாரியர்ஸ் அணியின் வெற்றிக்கு 6 பந்துகளில் 11 ரன்கள் தேவைப்பட்டது. கடைசி ஓவரை ஷோஃபி மோலினெக்ஸ் வீசினார். முதல் இரு பந்துகளில் தலா ஒரு ரன்கள் எடுக்கப்பட்ட நிலையில், 3 மற்றும் 4ஆவது பந்தில் ரன்கள் எடுக்கப்படவில்லை. 5ஆவது பந்தில் தீப்தி சர்மா பவுண்டரி அடித்தார்.

இதையும் படிங்க : IND vs ENG : ராஞ்சி டெஸ்டில் ஜோ ரூட் சதம்… முதல் நாளில் 302 ரன்கள் சேர்த்தது இங்கிலாந்து அணி…

கடைசி பந்தில் 5 ரன்கள் தேவைப்பட்ட நிலையில், 2 ரன்கள் மட்டுமே எடுக்கப்பட்டது. இதனால், பெங்களூரு அணி 2 ரன்கள் வித்தியாசத்தில் வெற்றி பெற்றது. இந்த போட்டியில் 5 விக்கெட்டுகள் கைப்பற்றி ஆஷா சாதனை படைத்தார்.

உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம். News 18 தமிழ் : வாட்ஸ் அப் சேனலை ஃபாலோ செய்யுங்கள்.
நியூஸ்18 தமிழ்நாடு தொலைக்காட்சியை, ARASU CABLE – 46, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்…