உக்ரைன் மீது ரஷ்யா தாக்குதல்.. அதிபர் ஜெலன்ஸ்கி வெளியிட்ட வீடியோ | உலகம்

இது தொடர்பாக ரஷ்ய ராணுவம் வெளியிட்டுள்ள செய்தியில், கார்கீவ் பகுதியில் உக்ரைன் துருப்புகள் முன்னோக்கி நகர்வதை ரஷ்ய ராணுவம் தடுத்து நிறுத்தியதாகவும், உக்ரைனின் ராணுவ தளவாடங்கள் இருந்த இடத்தின் மீது தாக்குதல் நடத்தியதாகவும் தெரிவிக்கப்பட்டுள்ளது.

இந்நிலையில் இதற்கு விளக்கமளித்த உக்ரைன் ராணுவம், பொக்ரோவ்ஸ்க் பகுதியில் ரஷ்ய ராணுவம் 69 இடங்களில் தாக்குதல் நடத்தியதாகவும், குப்யான்ஸ்க் பகுதியில் 4 இடங்களில் ரஷ்யாவின் தாக்குதலை முறியடித்ததாகவும் கூறியது.

இதனிடையே வீடியோ ஒன்றை வெளியிட்டுள்ள உக்ரைன் அதிபர் ஜெலன்ஸ்கி, ரஷ்யா உக்ரைனின் எண்ணெய் வளங்கள் மீது குறிவைத்து தாக்குதல் நடத்துவதாக குற்றம்சாட்டியுள்ளார்.

ரஷ்யா மீதான பொருளாதாரத் தடைகளை மேலும் அதிகரிக்க வேண்டும் என்றும் அதிபர் ஜெலன்ஸ்கி வலியுறுத்தினார்.