Last Updated:
ரோஹித் சர்மா, கே.எல்.ராகுல், ஷ்ரேயாஸ் ஐயர் உள்ளிட்டோர் இவரிடம் பயிற்சி எடுத்துக் கொண்டவர்களில் குறிப்பிடத்தக்கவர்கள்.
ஐபிஎல் கிரிக்கெட் தொடரில் கொல்கத்தா அணிக்கு புதிய பயிற்சியாளராக அபிஷேக் நாயர் நியமிக்கப்பட்டுள்ளார். இதுகுறித்த அதிகாரப்பூர்வ அறிவிப்பு விரைவில் வெளியாகிறது.
இவர் கடந்த மூன்று சீசன்களாகப் பயிற்சியாளராக இருந்த சந்திரகாந்த் பண்டிட்டிற்குப் (Chandrakant Pandit) பதிலாக நியமிக்கப்பட்டுள்ளார். பண்டிட், கொல்கத்தா அணி 2024-ல் சாம்பியன் பட்டம் வென்றபோதும் பயிற்சியாளராக இருந்தார்.
நாயர் 2018 ஆம் ஆண்டு முதல் நைட் ரைடர்ஸ் அமைப்பின் ஒரு முக்கிய அங்கமாக இருந்து வருகிறார். 2025 சீசனைத் தவிர, அணியின் சப்போர்ட் ஸ்டாப்பில் அவர் தொடர்ந்து பணியாற்றியுள்ளார். கொல்கத்தா அணியின் தலைமைச் செயல் அதிகாரி (CEO) வெங்கட் மைசூர், நாயர் அணியின் வளர்ச்சிக்கு முக்கியமானவர் என்றும், ஆட்டத்தைப் பற்றிய அவரது புரிதல் மற்றும் வீரர்களுடனான அவரது இணைப்பு முக்கியப் பங்காற்றியதாகவும் குறிப்பிட்டுள்ளார்.
42 வயதாகும் அபிஷேக் நாயர் இந்திய அணியின் சில வீரர்களுக்கு பயிற்சி அளித்து வருகிறார். ரோஹித் சர்மா, கே.எல்.ராகுல், ஷ்ரேயாஸ் ஐயர் உள்ளிட்டோர் இவரிடம் பயிற்சி எடுத்துக் கொண்டவர்களில் குறிப்பிடத்தக்கவர்கள்.
October 30, 2025 5:27 PM IST
