பழைய கிரெடிட் கார்டு அக்கவுண்ட்டை மூடப் போறீங்களா? அதற்கு முன்பு இந்த விஷயங்களை மறக்காதீங்க! | வணிகம்

பயனீட்டு விகிதத்தைச் சரி செய்வது: தற்போது நீங்கள் மூட நினைக்கும் கிரெடிட் கார்டு அக்கவுண்ட்டில் 30,000 ரூபாய் வரம்பு இருப்பதாக வைத்துக் கொள்வோம். மொத்தமாக 3 லட்ச ரூபாய் வரம்பு எனும் போது உங்களுக்கு 10 சதவீத இழப்பு ஏற்பட வாய்ப்புகள் உள்ளது. எனவே ஒரு லட்ச ரூபாய் மதிப்பிலான கார்டை மூடும்போது அது 15% ஆக மாறுகிறது. எல்லா நேரங்களிலும் உங்களுடைய கிரெடிட் பயனீட்டு விகிதம் 30 சதவீதம் அல்லது அதற்கும் குறைவாக இருக்குமாறு பார்த்துக் கொள்ளுங்கள்.

எப்போதாவது உங்களுடைய கார்டைப் பயன்படுத்தி இருந்தால் கூட அது பழைய கார்டு எனும் போது ஆண்டுவாரியான கட்டணத்தைத் தவிர்ப்பதற்காக மட்டுமே கார்டை நீங்கள் இப்போது மூடப் போகிறீர்கள் என்றால் கட்டணம் இல்லாத ஒரு ப்ராடக்ட்டை வழங்குமாறு உங்களுடைய கிரெடிட் கார்டு வழங்குனரிடம் நீங்கள் கேட்கலாம். நீங்கள் கிரெடிட் கார்டு திறந்த தேதி மற்றும் அந்த அக்கவுண்ட்டின் வயது இதன் மூலமாக மாறாமல் அப்படியே வைக்கப்படும்.

அதே வங்கியில் உங்களிடம் பல்வேறு கார்டுகள் இருக்கும் பட்சத்தில், கார்டை மூடுவதற்கு முன்பு பழைய கார்டு கிரெடிட் லிமிட்டை வேறு ஒரு கார்டுக்கு டிரான்ஸ்ஃபர் செய்வதை உறுதிப்படுத்துங்கள். இவ்வாறு உங்களுக்கு இருந்த மொத்த கிரெடிட் வரம்பில் எந்த ஒரு பாதிப்பும் ஏற்படாது.

ஒருவேளை நீங்கள் வேறுவிதமான பிரீமியம் கார்டு, கார் லோன் அல்லது அடமானங்களுக்கு விண்ணப்பிக்கிறீர்கள் என்றால் இந்த சமயத்தில் நீங்கள் உங்களுடைய அனைத்து அக்கவுண்டுகளையும் குறைந்தபட்சம் 60 முதல் 90 நாட்களுக்கு நிலையாக வைத்திருக்க வேண்டும். புதிய கடன் தொகையைப் பெற்ற பிறகு உங்களுடைய அக்கவுண்ட்டை மூடலாம்.

கிரெடிட் கார்டு மூலமாக உங்களுக்கு கிடைக்கும் பலன்கள் அந்த கார்டுக்காக நீங்கள் செலவு செய்யும் தொகையை விட குறைவாக இருந்தால் தாராளமாக அந்த கார்டை நீங்கள் மூடலாம். மேலும் ஆண்டுவாரியான கட்டணத்தைத் தவிர்க்க நினைத்து, அது சம்பந்தமாக உங்களுடைய கிரெடிட் கார்டு வழங்குனரிடம் கார்டை டவுன்கிரேட் செய்து தருமாறு கேட்டு, அவர்கள் அதற்கு மறுத்திருந்தாலும் நீங்கள் உங்களுடைய அக்கவுண்ட்டை மூடிவிடலாம். எனவே உங்களுடைய கிரெடிட் பயனீட்டு விகிதம் மற்றும் அதே சமயத்தில் உங்களுடைய பழைய கிரெடிட் வரலாற்றைப் பராமரிக்கும் வகையில் உங்களுடைய முடிவு இருக்க வேண்டும். இதன் மூலமாக உங்களுடைய கிரெடிட் ஸ்கோருக்கு எந்த ஒரு பாதிப்பும் ஏற்படாது.