Last Updated:
H1B Visa | அமெரிக்காவில் தங்க விரும்பும் தனி நபர்களுக்கு The Trump Gold Card என்ற பெயரில் புதிய திட்டம் ஒன்றையும் அதிபர் டிரம்ப் அறிமுகப்படுத்தி உள்ளார்.
அமெரிக்காவில் தங்கி பணிபுரிய தேவைப்படும் H1B விசா கட்டணத்தை சுமார் 1 கோடி ரூபாய் அளவுக்கு உயர்த்தும் உத்தரவுக்கு அமெரிக்க அதிபர் டிரம்ப் ஒப்புதல் அளித்துள்ளார்.
அமெரிக்க அதிபராக 2ஆம் முறை பொறுப்பேற்ற பிறகு, வெளிநாடுகளில் இருந்து வேலை மற்றும் படிப்புக்காக, அமெரிக்கா வருவோருக்கான விசா மற்றும் குடியுரிமை விதிகளை கடுமையாக்கி வருகிறார் டிரம்ப். அதன்படி, அமெரிக்காவுக்கு வேலைக்காக வரும் வெளிநாட்டவருக்கான எச்1பி விசா வழங்கும் நடைமுறையில் அதிரடி மாற்றங்களை அறிவித்துள்ளார் அதிபர் டொனால்ட் டிரம்ப்.
இதுவரை H1B விசாவுக்கான விண்ணப்ப கட்டணம் 1 லட்சத்து 32 ஆயிரம் ரூபாயாக இருந்த நிலையில், தற்போது அதனை 88 லட்சம் ரூபாய் வரை உயர்த்தியுள்ளார். இதற்கான உத்தரவில் அமெரிக்க அதிபர் டிரம்ப் கையெழுத்திட்டார். அப்போது அவர் அருகில் இருந்த வர்த்தக அமைச்சர், ஹாவர்ட் லுட்னிக், இனி பன்னாட்டு நிறுவனங்கள் வெளிநாடுகளை சேர்ந்தவர்களை அமெரிக்காவில் பணியமர்த்த ஒரு லட்சம் டாலர் விண்ணப்ப கட்டணம் செலுத்த வேண்டும் என்றார்.
இதேபோல், அமெரிக்காவில் தங்க விரும்பும் தனி நபர்களுக்கு The Trump Gold Card என்ற பெயரில் புதிய திட்டம் ஒன்றையும் அதிபர் டிரம்ப் அறிமுகப்படுத்தியுள்ளார். இத்திட்டத்தின்படி, ஒரு லட்சம் அமெரிக்க டாலர்களை அந்நாட்டு அரசுக்கு செலுத்தி அமெரிக்காவில் குறிப்பிட்ட காலம் வசிக்கலாம் என்றும் தெரிவிக்கப்பட்டுள்ளது. H1B விசாவுக்கான விண்ணப்ப கட்டணத்தை டிரம்ப் அதிகரித்தது இந்திய ஐடி நிறுவனங்களை விட டெஸ்லா நிறுவனத்தையே பாதிக்கும் என்று நிபுணர்கள் கூறுகின்றனர்.
September 20, 2025 7:09 AM IST
அமெரிக்காவில் வெளிநாட்டு ஊழியர்களுக்கான H1B விசா.. ஆண்டு விண்ணப்ப கட்டணம் ரூ.1 கோடியாக உயர்வு..!
