உலகின் தலைசிறந்த ஆராய்ச்சியாளர்… தொடர்ந்து மூன்றாவது ஆண்டாக தேர்வு செய்யப்பட்ட தமிழ்நாட்டு விஞ்ஞானி… | இந்தியா

2023, 2024 மற்றும் 2025-ஆம் ஆண்டுகளுக்கான உலகளாவிய விஞ்ஞானிகள் பட்டியலில் இடம்பெற்றுள்ள அவர், சுற்றுச்சூழல் துறையில் தொடர்ந்து வழங்கிவரும் அறிவியல் பங்களிப்பிற்காக பாராட்டப்பட்டுள்ளார். இதுவரை 130-க்கும் மேற்பட்ட சர்வதேச ஆராய்ச்சி கட்டுரைகளை வெளியிட்டுள்ளார். மேலும், 18-க்கும் மேற்பட்ட உலகப் பல்கலைக்கழகங்களுடன் இணைந்து பணியாற்றி வருகிறார்.

தற்போது அவர் சென்னையில் உள்ள சவீதா பல்கலைக்கழகத்தின் (SIMATS) கழிவு மேலாண்மை மற்றும் புதுப்பிக்கத்தக்க எரிசக்தி மையத்தில் பேராசிரியராகவும், தலைவராகவும் பணியாற்றுகிறார். இது தவிர, தாய்லாந்து, மலேசியா மற்றும் தென் கொரியாவில் உள்ள முன்னணி பல்கலைக்கழகங்களில் வருகைப் பேராசிரியராகவும் இருந்து வருகிறார்.

அவர், தனது முனைவர் பட்டத்தை 2013-ஆம் ஆண்டு சென்னைப் பல்கலைக்கழகத்தில் பெற்றார். முனைவர் பட்டம் பெற்ற காலத்தில் இந்தோ-ஆஸ்திரேலிய பெல்லோஷிப் பெற்றவர், இதன் மூலம் அவர் ஆஸ்திரேலியாவின் அடிலெய்டு பல்கலைக்கழகத்தில் ஆராய்ச்சி மேற்கொண்டார். இதற்கு முன்பு, அவர் தாவர உயிரி தொழில்நுட்பத்தில் எம்.எஸ்.சி மற்றும் எம்.ஃபில் பட்டங்களையும் முடித்துள்ளார்.

ஸ்டான்போர்ட்-எல்சேவியர் பட்டியல், விஞ்ஞானிகளின் ஆராய்ச்சி மேற்கோள்கள், தாக்கம் மற்றும் துறைக்கான செல்வாக்கு ஆகியவற்றின் அடிப்படையில் மதிப்பிடப்படுகிறது. அதில் தொடர்ந்து மூன்று ஆண்டுகள் இடம்பெற்றுள்ள டாக்டர் அசோக்குமாரின் சாதனை, இந்திய விஞ்ஞானத்தின் சர்வதேச மதிப்பையும், தமிழ்நாட்டின் திறமையையும் உலகம் முழுவதும் வெளிப்படுத்துகிறது.