வெஸ்ட் இண்டீஸிற்கு எதிரான முதல் டெஸ்ட்.. பிரெட் லீ சாதனையை முறியடித்த பும்ரா | விளையாட்டு

வெஸ்ட் இண்டிஸ் கிரிக்கெட் அணி இந்தியாவில் சுற்றுப் பயணம் மேற்கொண்டு 2 போட்டிகள் கொண்ட டெஸ்ட் தொடரில் விளையாடுகிறது. முதல் டெஸ்ட் போட்டி இன்று அகமதாபாத்தில் தொடங்கியது. முதல் இன்னிங்ஸில் பேட்டிங் செய்துள்ள வெஸ்ட் இண்டீஸ் 162 ரன்களுக்கு அனைத்து விக்கெட்டுகளையும் இழந்து தனது முதல் இன்னிங்சை முடித்துள்ளது.

இன்றைய முதல் நாள் ஆட்டநேர முடிவில் இந்திய அணி 2 விக்கெட் இழப்புக்கு 121 ரன்கள் எடுத்துள்ளது. இந்த போட்டியில் இந்திய அணியின் வேகப்பந்து வீச்சாளர் ஜஸ்பிரித் பும்ரா 3 விக்கெட்டுகளை கைப்பற்றினார். இவற்றில் 2 விக்கெட்டுகள் போல்ட் என்ற முறையில் பெறப்பட்டதாகும்.

இதன் மூலம் எதிரணி வீரர்களை போல்ட் என்ற முறையில் ஆட்டமிழக்க செய்த பவுலர்கள் பட்டியலில் ஆஸ்திரேலிய அணியின் பிரெட் லீயை பும்ரா பின்னுக்கு தள்ளியுள்ளார்.