செவ்வந்தியின் தொலைபேசியைப் பரிசோதித்தவர்களிடம் தான் எனது பெயர் எவ்வாறு உள்ளது என கேட்க வேண்டும் என நாடாளுமன்ற உறுப்பினர் நாமல் ராஜபக்ச (Namal Rajapaksa) தெரிவித்துள்ளார்.
இஷாரா செவ்வந்தியின் தொலைபேசியில் உங்கள் பெயர் எவ்வாறு ‘சேவ்’ செய்யப்பட்டிருக்கும்.” என ஊடகவியலாளர் ஒருவர் எழுப்பிய கேள்விக்கு பதிலளித்த போதே இவ்வாறு குறிப்பிட்டுள்ளார்.
அவர் மேலும் கருத்து தெரிவிக்கையில், செவ்வந்தியின் தொலைபேசியைப் பார்ப்பதற்கு பலரும் ஆவலாக உள்ளனர் போல் தான் தெரிகின்றது.
செவ்வந்தியின் தொலைபேசி
செவ்வந்தியின் தொலைபேசியைப் பரிசோதித்தவர்களிடம் தான் அது பற்றி கேட்க வேண்டும்.
“அவ்வாறானவர்கள் பரிசோதித்து எனது பெயர் எவ்வாறு உள்ளது எனக்
கூறினால் நல்லது என நாடாளுமன்ற உறுப்பினர் நாமல் ராஜபக்ச தெரிவித்தள்ளார்.
“மகே ராஜபக்ச (எனது ராஜபக்ச) எனப் பெயரொன்று சேவ் செய்யப்பட்டுள்ளதாகத் தகவல் வெளியானதே?” எனவும் நாமலிடம் கேள்வி எழுப்பப்பட்டது.
காதலர்களின் பெயருக்கு முன்
இதற்குப் பதிலளித்த அவர் “சிலருக்கு தற்போது ராஜபக்சக்கள்
தான் கனவில் கூட வருகின்றனர். அந்தக் கட்சியிலும் (என்.பி.பி.) நாமல் ஒருவர் இருக்கின்றார். அது அவரா என்பது கூடத் தெரியவில்லை.
நாமல் என்ற பெயரைக் கண்டதுமே அவர்களுக்கு என்னை நினைவுக்கு வருவது சந்தோஷம்.
பெண்கள் தமது காதலர்களின் பெயருக்கு முன்னால் தான் எனது என எழுதி சேவ் செய்வார்கள். சிலவேளை அது அப்படி சேவ் செய்யப்பட்ட ஒரு பெயராகக் கூட இருக்கலாம் என்றார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்…! |
