எகிப்தில் அமைதிப்பேச்சு நடைபெற்று வரும் நிலையில் காசா மீது இஸ்ரேல் தாக்குதல் | உலகம்

காசாவை பயங்கரவாதமற்ற, அண்டை நாடுகளுக்கு அச்சுறுத்தல் இல்லாத அமைதி பூங்காவாக மற்றும் செயல் திட்டத்தை இந்த அமைதி திட்டம் கொண்டுள்ளது. இத்திட்டத்திற்கு இஸ்ரேல் பிரதமர் நெதன்யாகு ஒப்புதல் தெரிவித்த நிலையில், ஹமாஸுக்கு 72 மணிநேரம் கெடு விதிக்கப்பட்டது. 72 மணிநேர கெடு முடிந்ததை அடுத்து, ஹமாஸும் அமைதி திட்டத்தை ஒப்புக் கொண்டது.

இந்த சூழலில், எகிப்து தலைநகர் கெய்ரோவில் அடுத்தக்கட்ட நடவடிக்கைகள் குறித்த பேச்சுவார்த்தை தொடங்கியுள்ளது. இருதரப்பு பிரதிநிதிகளோடு எகிப்திய, கத்தார் மத்தியஸ்தர்கள் பேச்சுவார்த்தையில் இணைந்துள்ளனர். இவர்களோடு டிரம்பின் மருமகனும், தனி ஆலோசகருமான ஜேரட் குஷ்னர் உள்ளிட்டோர் இணையவுள்ளனர்.

இதனிடையே, பேச்சுவார்த்தைக்கு மத்தியில் காசா மீதான தாக்குதலை நிறுத்த வேண்டுமென இஸ்ரேலுக்கு டிரம்ப் வலியுறுத்தினார். ஆனால், காசா மீதான தாக்குதலை இஸ்ரேல் தொடர்ந்து வருகிறது. கடந்த 24 மணி நேரத்தில் 21 பாலஸ்தீனர்கள் உயிரிழந்ததாகவும், நூற்றுக்கும் மேற்பட்டோர் காயமுற்றதாகதாகவும் காசா அதிகாரிகள் தெரிவித்துள்ளனர்.