சிலம்பம் கற்றுக் கொண்டால் அரசு வேலை கிடைக்குமா?

சிலம்பம் என்பது தற்காப்பு கலைமட்டுமல்லாமல், உடல் ஆரோக்கியத்தையும், ஒழுக்கத்தையும் மாணவர்களிடையே உறுதிப்படுத்துகிறது. இதுமட்டுமல்லாமல் பல பேருக்கு நல்ல வாழ்க்கையே சிலம்பம் ஏற்படுத்தி தந்துள்ளது.தற்போது சிலம்பம்விளையாட்டுப் போட்டியில், சிறந்து விளங்கும் நபர்களுக்கு அரசு வேலைகள் கிடைப்பதற்கும் வழி வகை உள்ளது.

மேலும் சிலம்பத்தைப் பொறுத்தவரையில் 6 வயது சிறுவன் முதல் 60 வயது பெரியவர் வரை சிலம்பம் கற்றுக் கொள்ளலாம். தற்போது தமிழ்நாட்டில் பல்வேறு மாவட்டங்களில் சிலம்பம் விளையாட்டு பயிற்சி வகுப்புகள் அதிகரித்துக் கொண்டே வருகிறது. பொதுமக்களும் அழிந்து வரும் பாரம்பரிய விளையாட்டுகளை ஊக்குவிப்பதில் ஆர்வம் காட்டி வருகிறார்கள்.

அந்த வகையில் விழுப்புரம் நகர மக்கள் தன்னுடைய பிள்ளைகளை எதற்காக சிலம்பம் பயிற்சி விளையாட்டிற்கு அனுப்புகிறார்கள் என பல கருத்துக்களை நம்மிடம்பகிர்ந்து உள்ளார்கள். அவர்கள் கூறியதாவது:

முதலில் குழந்தைகளை சிலம்பம் விளையாட்டு பயிற்சி வகுப்புகளுக்கு அனுப்புவது, குழந்தைகள் உடல் வலிமை மற்றும் மனவலிமை பெறுகிறார்கள். சிலம்பம் விளையாட்டு மூலம் குழந்தைகளுக்கு எந்த ஒரு செயல் செய்வதற்குபக்குவம் வருகிறது. அதுபோல எந்த ஒரு செயல் செய்தாலும் கவனத்துடன் செய்வார்கள். மேலும் உடல் நலம்சிறப்பாக செயல்படும்.

100-வது ஆண்டு லட்சதீப திருவிழாவிற்கு தயாராகும் ஆஞ்சநேயர் கோயில்.!
மேலும் செய்திகள்…