H 1B visa fee | ஹெச்-1 பி விசாவிற்கு ரூ.88 லட்சம் கட்டணம் வசூல்… யாருக்கெல்லாம் விதி விலக்கு? | உலகம்

உலகம் முழுவதும் இருந்து திறமையான பணியாளர்களை தேர்வு செய்து அவர்களுக்கு பயிற்சி அளித்து பணி வழங்க அமெரிக்க நிறுவனங்கள் ஹெச்-1 பி விசாவை பயன்படுத்தி வருகின்றன.

இந்த நிலையில், ஹெச்-1 பி விசா கட்டணம் 1 லட்சத்து 47 ஆயிரம் ரூபாயில் இருந்து 88 லட்சம் ரூபாயாக உயர்த்தப்பட்டது. இதனால் ஹெச்-1 பி விசா வைத்திருந்த பணியாளர்கள் மட்டுமின்றி, அமெரிக்க நிறுவனங்களும் பேரதிர்ச்சியில் உறைந்தனர்.

இந்த நிலையில், இந்த பணியாளர்களுக்கு நிம்மதி அளிக்கும் வகையில், USCIS எனப்படும் அமெரிக்க குடியுரிமை மற்றும் குடிவரவு சேவைகள் அமைப்பு அறிவிப்பு ஒன்றை வெளியிட்டுள்ளது.

அதில், அண்மையில் விதிக்கப்பட்ட ஹெச்-1 பி விசாவுக்கான ஒரு லட்சம் டாலர் கட்டணத்தை ஏற்கனவே ஹெச்-1 பி விசா வைத்திருப்போர் செலுத்த தேவையில்லை என்று தெரிவித்துள்ளது.

இதே போன்று, F-1 மாணவர் விசாக்கள், L-1 தொழில்முறை விசாக்கள் உள்ளிட்ட அமெரிக்க விசாக்களை வைத்திருப்போருக்கும் இந்த கட்டண உயர்வில் விதி விலக்கு அளிக்கப்பட்டுள்ளது.