ஐஸ் போதைப்பொருளுக்கான மூலப்பொருட்கள் கண்டுபிடிக்கப்பட்ட சம்பவத்தை அடுத்து ஸ்ரீலங்கா பொதுஜன பெரமுனவின் முன்னாள் பிரதேச சபை உறுப்பினர் மனம்பேரிகே பியால் சேனாதீர கைது செய்யப்பட்டமை தொடர்பாக அவரது சகோதரி மனித உரிமைகள் ஆணைக்குழுவில் முறைப்பாடு செய்துள்ளார்.
மித்தெனிய, தலாவ, காரியடித்த பகுதியில் உள்ள ஒரு காணியில் சுமார் 50,000 கிலோகிராம் ரசாயனங்களை புதைத்த சம்பவம் தொடர்பாக முன்னாள் பிரதேச சபை உறுப்பினர் பியால் சேனாதீர சனிக்கிழமை (06) மதியம் கைது செய்யப்பட்டார்.
மனித உரிமைகள் ஆணைக்குழுவில் முறைப்பாடு செய்ததன் பின்னர் ஊடகங்களுக்கு கருத்து தெரிவித்த அவர், தனது சகோதரனை கைது செய்வதில் காவல்துறையினரும் சிறப்பு அதிரடிப்படையினரும் (STF) தன்னிச்சையாக செயல்பட்டதாக கூறினார். இது அரசியல் பழிவாங்கல் என்றும் அவர் கூறினார்.
தனது சகோதரனை கைது செய்தபோது அதிகாரிகள் தனது குடும்ப உறுப்பினர்களுக்கு பெரும் சிரமத்தை ஏற்படுத்தியதாகவும் அவர் குற்றம் சாட்டினார்.
இந்த சம்பவத்தால் தனது குழந்தைகளின் மனநலம் கடுமையாக பாதிக்கப்பட்டுள்ளதாகவும், மனநிலை பாதிக்கப்பட்ட தனது குழந்தைகள் பாடசாலைக்குச் செல்ல மறுத்துவிட்டதாகவும் அவர் கூறினார்.
