ஸ்ரேயாஸ் ஐயருக்கு கேப்டன்ஷிப் பொறுப்பை வழங்கிய பிசிசிஐ.. என்ன விபரம் தெரியுமா? | விளையாட்டு

இந்தியா ஏ மற்றும் ஆஸ்திரேலியா ஏ அணிகள் ஆகியவை செப்டம்பர் 16 மற்றும் 23 ஆகிய தேதிகளில் விளையாட உள்ளன. 3 நாட்கள் கொண்ட போட்டியாக இந்த தொடர் நடைபெறும் என்று  தகவல்கள் தெரிவிக்கின்றன. இந் நிலையில் இந்த தொடருக்கான இந்திய ஏ அணியை பிசிசிஐ அறிவித்துள்ளது.

இந்த அணியில் கேப்டனாக ஸ்ரேயாஸ் ஐயர் நியமிக்கப்பட்டுள்ளார். அவருடன் சாய் சுதர்சன், துருவ் ஜுரல், தேவதத் படிக்கல், கலீல் அகமது, பிரசித் கிருஷ்ணா உள்ளிட்டோருக்கும் வாய்ப்பு அளிக்கப்பட்டுள்ளது.

ஆஸ்திரேலியா ஏ அணிக்கு எதிரான போட்டிகளில் சிறப்பான ஆட்டத்தை ஸ்ரேயாஸ் வெளிப்படுத்தினால், அதற்கு அடுத்து வரக்கூடிய வெஸ்ட் இண்டீஸ் அணிக்கு எதிரான தொடரில் ஸ்ரேயாஸ் ஐயருக்கு கேப்டன்ஷிப் பொறுப்பு வழங்கப்படலாம் என்றும் தகவல்கள் தெரிவிக்கின்றன.

இந்த போட்டித் தொடர் முடிந்த பின்னர் இந்தியா ஏ மற்றும் ஆஸ்திரேலியா ஏ அணிகள் மோதும் ஒருநாள் கிரிக்கெட் போட்டிகள் செப்டம்பர் 30 , அக்டோபர் 3 மற்றும் அக்டோபர் 5 ஆகிய தேதிகளில் நடைபெறுகிறது.