அமெரிக்க ஓபன் டென்னிஸ் தொடர்.. 14வது முறையாக அரையிறுதிக்கு முன்னேறிய ஜோகோவிச்! | விளையாட்டு

இதுவரை அமெரிக்க ஓபன் காலியிறுதியில் தோல்வியையே சந்திக்காத செர்பிய வீரர் நோவக் ஜோகோவிச், நடப்பாண்டு காலிறுதியில் அமெரிக்க வீரர் ஃபிரிட்சை எதிர்க்கொண்டார்.

இருவருக்கும் இடையே கடுமையான போட்டி நிலவிய நிலையில் முதல் இரண்டு செட்டை ஜோகோவிச் கைபற்றினார். 3வது சுற்றில் ஜோகோவிச்சை ஃபிரிட்ஸ் கலங்க வைத்தார். பின்னர் 4வது சுற்றில் சுதாரித்துக்கொண்ட ஜோகோவிச் அதில் வெற்றிப்பெற்று 6க்கு 3, 7க்கு 5, 3க்கு 6, 6க்கு 4 என்ற செட் கணக்கில் ஆட்டத்தை கைபற்றினார்.

அரையிறுதியில் ஸ்பெயின் வீரர் அல்கராஸ் உடன் ஜோகோவிச் மோத உள்ளார். தனது 25 வது கிராண்ட் ஸ்லாம் பட்டத்தை வெல்லும் முனைப்புடன் விளையாடி வரும் ஜோகோவிச் இதுவரை ஃபிரிட்ஸிடம் தோல்வியை சந்தித்ததே இல்லை என்பது குறிப்பிடத்தக்கது.