வங்கி கணக்கில் மினிமம் பேலன்ஸ் பராமரிக்கவில்லை என்றால் இதுதான் நடக்கும்.. அவசியம் தெரிஞ்சுக்கோங்க! | வணிகம்

உங்கள் வங்கிக் கணக்கில் இருக்கும் பேலன்ஸ், வங்கி நிர்ணயித்திருக்கும் குறைந்தபட்ச மாதாந்திர சராசரி இருப்புத் தொகையை விடக் குறைவாக இருந்தால், நீங்கள் அபராதம் செலுத்த வேண்டியிருக்கலாம். சில சந்தர்ப்பங்களில், குறிப்பிட்ட வங்கி சேவைகளுக்கான அணுகலையே இழக்க நேரிடும். கூடுதலாக, சில கடன் வழங்குநர்கள் உங்கள் கணக்கை தற்காலிகமாக முடக்கவோ அல்லது செயலற்றதாகவோ குறிக்கக்கூடும்.

ஆகஸ்ட் 1 முதல் புதிதாக திறக்கப்படும் சேமிப்புக் கணக்குகளுக்கு, ஐசிஐசிஐ வங்கி குறைந்தபட்ச இருப்புத் தொகையின் தேவையை மாற்றுவதாக அறிவித்தது. ஆரம்பத்தில், நகர்ப்புற மற்றும் பெருநகர கிளைகளுக்கு குறைந்தபட்ச மாதாந்திர சராசரி இருப்புத் தொகையை ரூ.50,000 ஆக உயர்த்தி இருந்தாலும், பொதுமக்களின் கடும் எதிர்ப்பைத் தொடர்ந்து பின்னர் அதை ரூ.15,000 ஆகக் குறைத்தது. இந்த முடிவு, மினிமம் பேலன்ஸை பராமரிப்பது குறித்த கேள்வியை மீண்டும் எழுப்பியுள்ளது. உண்மையில், சேமிப்புக் கணக்கு வைத்திருக்கும் அனைவருக்குமே இது ஒரு கவலைக்குரிய விஷயமாகும்.

வங்கிகள், சேவைகளை சீராக வழங்கவும், செயல்பாட்டுச் செலவுகளை சமன்படுத்தவும் வங்கிகள் இந்த மினிமம் பேலன்ஸ் விதிமுறைகளை அமல்படுத்துகின்றன. அதன்படி,

• சேமிப்புக் கணக்கை அடிக்கடி கண்காணித்தல் – மொபைல் ஆப், எஸ்எம்எஸ் மூலமாக அவ்வப்போது வங்கிக் கணக்கு இருப்பை சரிபார்ப்பது நல்லது.
• தானியங்கி பரிமாற்றம் அமைக்கவும் – தேவையான இருப்பைத் தொடர்ந்து பராமரிக்க, மற்றொரு கணக்கிலிருந்து ஆட்டோ டிரான்ஸ்பர் விருப்பத்தை அமைத்துக் கொள்ளலாம்.
• விதிமுறைகளை அறிந்திருங்கள் – நீங்கள் சேமிப்பு கணக்கு வைத்திருக்கும் வங்கியின் நிபந்தனைகள் மற்றும் குறைந்தபட்ச இருப்புத் தேவையைப் பற்றி அறிந்து கொள்வது தேவையில்லாத நிதி இழப்பை தவிர்க்க உதவும்.