உலக பேட்மின்டன் சாம்பியன்ஷிப்.. அரையிறுதி சுற்றுக்கு இந்திய இணை முன்னேற்றம் | விளையாட்டு

இதன் ஆடவர் இரட்டையர் பிரிவு காலிறுதி ஆட்டத்தில் இந்திய வீரர்களான சாத்விக் – சிராக் இணை – மலேசிய இணையை எதிர்த்து பலப்பரீட்சை நடத்தியது.

ஆரம்பம் முதலே அசத்தலான ஆட்டத்தை வெளிப்படுத்திய இந்திய இணை 21-12, 21-19 என்ற நேர் செட் கணக்கில் எளிதில் வெற்றியை வசப்படுத்தி அரையிறுதி சுற்றுக்கு முன்னேறினர்.

இந்த வெற்றி மூலம் ஒலிம்பிக் போட்டியில் மலேசிய இணையிடம் அடைந்த தோல்விக்கு இந்திய அணி பதிலடி கொடுத்தது.

தரவரிசையில் 9வது இடத்தில் உள்ள இந்திய வீரர்கள் –  தரவரிசையில் 11வது இடத்தில் உள்ள சீன இணையை எதிர்த்து அரையிறுதிப் போட்டியில் பலப்பரீட்சை நடத்தவுள்ளனர்.