Last Updated:
அமெரிக்க அதிபராக டொனால்ட் டிரம்ப் பொறுப்பேற்றதிலிருந்து பல்வேறு சட்ட திட்டங்களை மாற்றியமைத்து வருகிறார்.
மாணவர்கள், ஊடகவியலாளர்கள் உள்ளிட்டோருக்கான விசா விதிமுறைகளை மாற்றியமைத்து அமெரிக்க அரசு உத்தரவிட்டுள்ளது.
அமெரிக்க அதிபராக டொனால்ட் டிரம்ப் பொறுப்பேற்றதிலிருந்து பல்வேறு சட்ட திட்டங்களை மாற்றியமைத்து வருகிறார். அந்த வகையில் அமெரிக்காவுக்கு வந்து தங்கிப் படிக்கும் மாணவர்கள், ஊடகவியலாளர்கள், கலாசார பரிமாற்ற பார்வையாளர்கள் உள்ளிட்டோருக்கான விசா நடைமுறைகள் மாற்றியமைக்கப்பட்டுள்ளன.
அதன்படி, இவ்வகை விசா உள்ளவர்கள், இனிமேல் குறிப்பிட்ட காலக்கெடு வரை மட்டுமே அமெரிக்காவில் தங்க முடியும். முன்பு, மாணவ விசா பெற்றவர்கள் தங்கள் படிப்பை முடிக்கும் வரைக்கும் அமெரிக்காவில் தங்க முடியும். ஆனால் தற்போதைய மாற்றத்தின்படி, குறிப்பிட்ட காலக்கெடு வரை மட்டுமே தங்க முடியும் என தெரிவிக்கப்பட்டுள்ளது.
புதிய விதிகளின்படி, மாணவ விசா உள்ளவர்கள் அதிகபட்சம் 4 ஆண்டுகளும் ஊடகவியலாளர்கள் 240 நாட்களும் அமெரிக்காவில் தங்கலாம் என தெரிவிக்கப்பட்டுள்ளது. சீன ஊடகவியலாளர்களுக்கு வெறும் 90 நாட்கள் மட்டுமே அனுமதி அளிக்கப்பட்டுள்ளது. அதேபோல் மாணவ விசாக்களில் படிப்பு முடிந்த பிறகான சலுகைக் காலம் முன்பு 2 மாதங்களாக இருந்த நிலையில் தற்போது ஒரு மாதமாகக் குறைக்கப்பட்டுள்ளது.
August 28, 2025 2:36 PM IST
