ரீல்ஸ் எடுக்கச் சென்ற யூடியூபருக்கு நேர்ந்த சோகம்… நீர்வீழ்ச்சியில் அடித்துச் சென்ற வீடியோ வைரல்…! | இந்தியா

லாம்டாபுட் பகுதியில் ஏற்பட்ட கனமழையின் காரணமாக மக்காகுண்டா அணையில் இருந்து தோராயமாக 2,000 கன அடி நீரை அதிகாரிகள் வெளியேற்றி உள்ளனர். மேலும், இது குறித்து அங்கு வசிக்கும் மக்களுக்கு எச்சரிக்கை விடுக்கப்பட்டிருந்தது. தாழ்வான பகுதியில் இருக்கும் மக்கள் கவனமாக இருக்க வேண்டும் என்று அறிவிப்பு விடுக்கப்பட்டது. இதனை அறியாமல் திடீரென்று ஏற்பட்ட நீரோட்டத்தை சாகரால் கையாள முடியாமல்போக, அவரை தண்ணீர் அடித்துச் சென்றுவிட்டது.

உள்ளூர்வாசிகளும், அங்கு வந்திருந்த சுற்றுலா பயணிகளும் அந்த இளைஞரை காப்பாற்றுவதற்கு போதுமான அளவு முயற்சிகளை எடுத்தாலும், அவர்களால் அதனை செய்ய முடியாமல் போனது. இது குறித்து மக்காகுண்டா காவல் நிலையம் மற்றும் தீயணைப்புத் துறைக்கு தகவல் தெரிவிக்கப்பட்டு, அவர்கள் சம்பவ இடத்திற்குவந்து தேடுதல் வேட்டையில் ஈடுபட்டனர்.

“ODRAF மற்றும் தீயணைப்பு குழுவினர் மீட்புப் பணியில் ஈடுபட்டுள்ளனர். அந்த இளைஞர் பெர்ஹாம்பூரை சேர்ந்தவர். இங்கு சுற்றுலாவுக்காக வந்திருக்கிறார். இந்த நிகழ்வு நேற்று நடந்தது. இது குறித்து சம்பந்தப்பட்டவரின் குடும்பத்தாருக்கு தகவல் தெரிவிக்கப்பட்டுள்ளது” என்று கோராபுட் சூப்பரண்டண்ட் ஆஃப் போலீஸ் மீடியாவிடம் கூறியுள்ளார். சமீபத்தில் கிடைத்த தகவலின் அடிப்படையில் சாகரை மீட்பதற்கான தேடுதல் வேட்டைகள் தொடர்ந்து நடைபெற்று வருகிறது.