கிரெடிட் ரிப்போர்ட்டை அடிக்கடி கண்காணிக்க வேண்டுமா…? அதன் அவசியம் என்ன தெரியுமா…? | வணிகம்

வீட்டுக் கடன் அல்லது கார் கடன் போன்ற பல்வேறு விதமான கடன்களை பெற்றிருப்பவர்கள் கூட தங்களுடைய கிரெடிட் ரிப்போர்ட்டை பார்த்ததே கிடையாது என்பதே இதில் ஆச்சரியமான விஷயம். இன்றைய டிஜிட்டல் யுகத்தில் கிரெடிட் ரிப்போர்ட்டை சரிபார்ப்பது என்பது மிகவும் எளிமையான காரியம். பேங்க் அப்ளிகேஷன்கள், டிஜிட்டல் பேமெண்ட் அப்ளிகேஷன்கள் அல்லது வெப்சைட்டுகள் மற்றும் இந்தியாவின் நான்கு முன்னணி கிரெடிட் பியூரியாக்களின் வெப்சைட்டுகளில் இருந்து நேரடியாக அதனை நீங்கள் தெரிந்து கொள்ளலாம்.

இந்தியாவின் ஏதாவது ஒரு கிரெடிட் பியூரியாவின் வாடிக்கையாளர் பிரிவுக்கு லாகின் செய்யுங்கள். உங்களுடைய அடையாள விவரங்களைப் பயன்படுத்தி உங்களுடைய ரிப்போர்ட்டை நீங்கள் பெறலாம். ஒவ்வொரு பியூரியாக்களும் கட்டாயமாக வருடத்திற்கு ஒருமுறை ஒரு இலவச ரிப்போர்ட்டை வழங்க வேண்டும் என்பது விதிமுறை.

பல வங்கிகள் நெட் பேங்கிங் மற்றும் மொபைல் பேங்கிங் அப்ளிகேஷன்கள் மூலமாக கிரெடிட் ரிப்போர்ட்டை வழங்குகின்றன.

கிரெடிட் ரிப்போர்ட் என்பது நீங்கள் வாங்கிய கடன்கள், கடனை திருப்பி செலுத்திய வரலாறு மற்றும் உங்களுடைய கடன் நடத்தை போன்ற உங்களுடைய கடன் பயணத்தின் ஒரு விரிவான தகவலை வழங்குகிறது. அதில் உங்களுடைய கிரெடிட் ஸ்கோரும் சேர்க்கப்பட்டிருக்கும். மேலும், கிரெடிட் ரிப்போர்ட்டில் உங்களுடைய பெயர், தொடர்பு விபரங்கள் மற்றும் முகவரி போன்ற தகவல்களும் அடங்கி இருக்கும்.

கிரெடிட் ரிப்போர்ட்டை வழக்கமான முறையில் கண்காணிப்பதன் மூலம், அதில் ஏதேனும் பிழைகள் இருந்தால் உடனடியாக அதனை சரிபார்ப்பதற்கு ஒரு வாய்ப்பு கிடைக்கும். ஆரோக்கியமான பற்களுக்கு பல் மருத்துவரை அணுகுவது அல்லது ஆரோக்கியமான உடலுக்கு ஜிம்மிற்கு செல்வதுபோல உங்களுடைய பொருளாதார சுய பராமரிப்பின் ஒரு பகுதியாக கட்டாயமாக உங்களுடைய கிரெடிட் ரிப்போர்ட்டை ஆய்வு செய்வது அவசியம். எனவே, இனியாவது உங்களுடைய கிரெடிட் ரிப்போர்ட், கிரெடிட் ஸ்கோர் போன்றவற்றை அடிக்கடி சரிபார்க்கும் பழக்கத்திற்கு வாருங்கள்.